पणजी: गोवा राज्यात अद्याप 12 लाख नागरिकांनी बूस्टर डोस घेणे आवश्यक आहे. असे डॉ शेखर साळकर यांनी स्पष्ट केले. कोरोनाच्या पार्श्वभूमीवर आज पत्रकार परिषद घेण्यात आली यावेळी ते बोलत होते.या वेळी बोलताना डॉ. साळकर म्हणाले की, बूस्टर डोस घेण्यासाठी नागरिकांना प्रभावित करणाऱ्या व्यक्ती अथवा लोकप्रतिनिधींशी चर्चा करणार आहे, असे ते म्हणाले.
मिळालेल्या माहितीनुसार गोवा राज्यात जवळपास 12 लाख लोकांनी दोन्ही डोस घेतले आहेत आणि त्यापैकी बहुतेक बूस्टर डोससाठी पात्र आहेत. आज राज्यातील कोरोनाची स्थिती पाहता प्रतिदिन 100 पेक्षा अधिक कोरोना रुग्ण आढळत आहेत. त्यामूळे नागरिकांनी बूस्टर डोस घेणे आवश्यक बनले आहे. या डोस घेतल्यानंतर सहा महिन्यात शरीरातील अँटी-बॉडी पातळी बूस्टर डोसद्वारे समतोल प्रमाणात राखली जाऊ शकते. त्यामूळे हो डोस घेणे आवश्यक असल्याचे डॉ. साळकर म्हणाले.
राज्यातील आजची स्थिती पाहता 18 ते 59 वर्षे वयोगटातील नागरिकांनी अधिक प्रमाणात घेतला आहे. तसेच इतर गटातील नागरिकांनी ही जास्तीत जास्त प्रमाणात बूस्टर लसीकरण करणे आवश्यक आहे. त्यासाठी आम्हाला अधिक प्रयत्न करावे लागतील. असे डॉ. साळकर म्हणाले. तसेच जास्तीत जास्त कामगारांनी ही लोकांना केंद्रात घेऊन जा आणि डोस घ्या.”
बूस्टर डोस जागृतीसाठी नेत्यांना सहभागी करून घेणार
बूस्टर डोसबाबत जनजागृती करण्यासाठी आमदार आणि इतर प्रभावशाली नेत्यांना सहभागी करून घेण्यात येणार असल्याचे साळकर यांनी सांगितले. ते म्हणाले की, आमदार सत्ताधारी पक्षात नसले तरी त्यांनी त्यांच्या भागात जनजागृती केली पाहिजे. असे डॉ. साळकर म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
