गोव्यात एकाच दिवसात तब्बल चार लाखांचा दंड जमा

640 चालकांवर बडगा: सुधारित नियमांनुसार वाहतूक पोलिस अधिक सक्रिय
In Goa, a fine of Rs 4 lakh was collected in a single day
In Goa, a fine of Rs 4 lakh was collected in a single dayDainik Gomantak

पणजी: राज्यात आजपासून सुधारित मोटार वाहन कायद्याच्या नियमांची अंमलबजावणी धडाक्यात करण्यात आली. राज्यातील विविध रस्त्यांवर वाहतूक पोलिस सक्रिय झालेले दिसून आले. मात्र, दंडाची रक्कम वाढ झाल्याने वाहन चालकही सतर्क झाले. तरीही दिवसभरात वाहतूक पोलिसांनी सुमारे 640 वाहन चालकांविरुद्ध कारवाई केली आणि सुमारे 4 लाखांची दंडात्मक रक्कम जमा केली.

आज नवीन नियमांनुसार कारवाई करण्याचा पहिलाच दिवस असल्याने पोलिसांनी कठोर कारवाई केली नाही. वाहनांची कागदपत्रे तपासणीची प्रक्रियाही येत्या काही दिवसांत सुरू केली जाईल. वाहन विमा, प्रदूषणमुक्त प्रमाणपत्र याचीही तपासणी केली जाईल. वाहनचालकांनी काटेकोरपणे नियमांचे पालन करण्यासाठीच केंद्र सरकारने चालकांच्या खिशाला कात्री लावली आहे.

In Goa, a fine of Rs 4 lakh was collected in a single day
पहिल्याच दिवशी दणका, नवीन मोटर वाहन कायद्याची काटेकोर अमलबजावणी

चालकांनी नियमांचे पालन करावे आणि शासनाला सहकार्य करावे, असे आवाहन पोलिसांनी केले. मेरशी जंक्शनजवळ नेहमीच वाहतूक पोलिस असतात.मात्र या ठिकाणी नेहमीपेक्षा अधिक पोलिस कर्मचारी होती. पोलिसांकडून जास्त करून दुचाकी वाहनांची तपासणी केली जात होती. नियमांचे उल्लंघन केल्याप्रकरणी पोलिसांनी दंड ठोठावला.

प्रदूषण प्रमाणपत्रासाठी झुंबडप्रदूषण प्रमाणपत्र नसल्यासही कारवाई होऊ शकते व दंडात्मक रक्कम अधिक असल्याने गेले कित्येक महिने हे प्रमाणपत्र नसलेल्या वाहनचालकांनी हे प्रमाणपत्र मिळवण्यासाठी बरीच गर्दी केली होती.वाहतूक पोलिसांनी दिलेल्या माहितीनुसार आज नव्या नियमांनुसार कारवाई करताना हेल्मेट, सीट बेल्ट, दुचाकीवर दोनपेक्षा अधिक स्वार, भरधाव वेग तसेच मोबाईलवर बोलणाऱ्यांवर अधिक लक्ष केंद्रीत केले होते.

In Goa, a fine of Rs 4 lakh was collected in a single day
इंधन दरवाढीनंतर 'गोव्यात' दुधाचे ही दर वाढले

धाबे दणाणले

हेल्मेट व सीट बेल्ट नसल्यास अता 1 हजार रुपये दंड भरावा लागणार असल्याने हेल्मेट न वापरणाऱ्यांची संख्या आज नगण्य होती. वाढीव दंडाची रक्कम मशीनमध्ये नमूद केलेली असल्याने दंड भरताना वाहनचालकांची भंबेरी उडाली. नवीन नियम लागू झाल्याचे काहीजणांना माहीतही नव्हते.

नव्या नियमांच्या अंमलबजावणीचा आज पहिला दिवस होता. त्यामुळे वाहनचालकांना आज केवळ दंडाची माहिती दिली. वाहतूक नियमांचे पालन करा आणि दंडात्मक कारवाईपासून दूर राहा.

- शेखर प्रभुदेसाई

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com