लाखेरेत 52 धनगर बांधव धोंड एकत्रितपणे पाळतात; लईराईचे व्रत

यंदा एक नवीन धोंड भक्तगणाची भर पडली आहे
लाखेरेत 52 धनगर बांधव धोंड एकत्रितपणे पाळतात; लईराईचे व्रत
52 Dhangar brothersDainik Gomantak

डिचोली: शिरगावच्या श्री लईराई देवीच्या जत्रोत्सवाच्या पार्श्वभूमीवर डिचोलीत गावोगावी धोंड भक्तगणांचे व्रत भक्तीमय आणि उत्साही वातावरणात चालू आहे. डिचोली पालिका क्षेत्रातील लाखेरे येथे चक्क 52 धनगर बांधव धोंड भक्तगण एकत्रितपणे लईराईचे व्रत पाळत आहेत.

यंदापासून हे व्रत लाखेरे येथे नव्यानेच बांधलेल्या श्री बाळूमामा मंदिरात पाळण्यात येत आहे. यापूर्वी धनगर बांधव धोंड भक्तगण तेथीलच कडकडे यांच्या भाटात हे व्रत पाळत होते. व्रत पाळणाऱ्या या 52 धोंडगणांमध्ये 15 वर्षे ते 85 वर्षांपर्यंतचे धोंड आहेत. दरवर्षी नवीन धोंड भक्तगण पुढे येत असून यंदा एक नवीन धोंड भक्तगणाची भर पडली आहे, अशी माहिती बाबलो ताटे यांनी दिली. 52 धोंड एकत्रित व्रत पाळताना मिळणारा आनंद आणि उत्साह वेगळाच आहे असे मत या धोंड भक्तगणांनी व्यक्त केले आहे.

आज ‘व्हडले जेवण’

जत्रेच्या आदल्या रात्री म्हणजेच बुधवारी धोंड भक्तगण व्रत पाळतात त्या सर्वत्र ठिकाणी ‘व्हडले जेवणा’चा कार्यक्रम होणार आहे. देवीचा प्रसाद अशी भावना बाळगून या व्हडले जेवणाचा आस्वाद घेण्यासाठी सर्वत्र अनेकजण उपस्थित राहतात.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.