Fire In Goa: डिचोली अग्निशमन दलाच्या कार्यक्षेत्रात पुन्हा चार ठिकाणी आग लागण्याच्या घटना घडल्या. शिरगाव येथे तर भर लोकवस्तीजवळ आग पेटल्याने लोकांमध्ये हाहाकार माजला.
तर आज विविध ठिकाणी लागलेल्या आगीत काजूची झाडे जळाल्याने दोन लाख रुपयांचे नुकसान झाले.
डिचोली अग्निशमन दलाकडून मिळालेल्या माहितीनुसार, शिरगाव, वाठादेव, नानोडा आणि वडावल येथे मिळून चार ठिकाणी आग लागली.
या आगीत वडावल आणि नानोडा येथे काजूची झाडे जळाल्याने काजू बागायतदारांचे 1.75 लाख रुपयांचे नुकसान झाले.
खाण परिसरात वणवा ; वेळीच नियंत्रण
शिरगाव येथे पंचायत कार्यालयाच्या मागच्या बाजूने खाण परिसरात आग लागली. लोकवस्तीजवळच वणवा पेटल्याने लोकांमध्ये घबराट पसरली. मात्र, डिचोली अग्निशमन दलाच्या कार्यकर्त्यांनी वेळीच धाव घेऊन आग नियंत्रणात आणल्याने धोका टळला.
दलाचे अधिकारी शैलेश गावडे यांच्या मार्गदर्शनाखाली लिडिंग फायर फायटर आर.आर. परब आणि पी.जी. देसाई यांच्या नेतृत्वाखाली दलाच्या जवानांनी वेगवेगळ्या ठिकाणी मदतकार्य करून आग नियंत्रणात आणली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
