Goa: कुठ्ठाळीमध्ये रस्त्यात खड्डे की खड्यात रस्ते; नागरिकांची गैरसोय

रेकॉर्ड उच्च महागाईनंतर गोव्यातील (Goa) लोकांना केवळ जगातील सर्वाधिक कर लावलेल्या इंधनासाठी (fuel)खर्च करावा लागत नाही तर वाहनांच्या (vehicles) देखभालीसाठी जास्त पैसे खर्च करावे लागतात.
Goa: कुठ्ठाळीमध्ये रस्त्यात खड्डे की खड्यात रस्ते; नागरिकांची गैरसोय
कुठ्ठाळीतील खराब रस्तेDainik Gomantak

दाबोळी: कुठ्ठाळी मतदार संघातील लोकांना खड्डेमुक्त रस्ते देण्यात सार्वजनिक बांधकाम मंत्री दीपक पाऊसकर यांचे अपयश उघड करण्यासाठी कुठ्ठाळी युवा काँग्रेस समिती सदस्यांनी रस्त्यावर येऊन निदर्शन केले. कुठ्ठाळी युवा काँग्रेस (Congress)समितीचे अध्यक्ष पीटर फर्नांडिस (Peter Fernandes) यांनी, सार्वजनिक बांधकाम मंत्री (Minister) दीपक पाऊसकर कर्तव्य पार पाडण्यास अपयशी ठरला असल्याचा ठपका ठेवला.

पीटर फर्नांडिस म्हणाले की जेव्हापासून मंत्र्यांनी शपथ घेतली आहे तेव्हापासून राज्यातील रस्ते खराब होत चालले आहेत. तसेच कुठ्ठाळी मतदार संघातील अनेक रस्त्यांची चाळण झाली आहे. एका वर्षापेक्षा जास्त काळ सदर रस्ते राहिले नाहीत. आणि यामुळे कुठ्ठाळीतील लोकांची मोठी गैरसोय झाली आहे.तेव्हा याकामी मंत्री पाऊसकर सपसेल अपयशी ठरले आहेत. असा आरोप केला.

कुठ्ठाळीतील खराब रस्ते
Goa: कॉंग्रेस उमेदवारीसाठी आत्तापासूनच संघर्ष सुरु...

काँग्रेसचे नेते ऑलेन्सियो सिमाॅईश म्हणाले की, गोव्यात भाजपने सरकार स्थापन केल्यापासून हे सरकार त्यांची कर्तव्ये पार पाडण्यात अपयशी ठरले आहे.तसेच सरकार सर्व आघाडीत अपयशी ठरले आहे आणि सामान्य माणसाला सतत अधिक दुःख देत आहे.

रस्त्यांच्या (Road) वाईट परीस्थितीमुळे काहींना आपला जीव गमावला लागला आहे. रस्ते आणि इतर गोष्टींमुळे सामान्य माणसावर आणखी ओझे वाढले आहे. उच्च महागाईच्या रेकॉर्ड (Inflation record) नंतर गोव्यातील लोकांना केवळ जगातील सर्वाधिक कर लावलेल्या इंधनासाठी खर्च करावा लागत नाही तर वाहनांच्या देखभालीसाठी जास्त पैसे खर्च करावे लागतात.

तेव्हा कुठ्ठाळी मधील रस्त्यावरील सर्व खड्डे तातडीने भरावेत अशी मागणी कुठ्ठाळी युवा काँग्रेस समितीने केली आहे.अन्यथा आम्हाला रस्त्यावर उतरावे लागेल असा इशारा समितीने दिला आहे.

Related Stories

No stories found.