नियम पाळा; प्रवास करा; शारजाहातून 160 पर्यटक गोव्यात

दाबोळीवर वाढतेय विमानांचे ‘लॅंडिंग’, दिवसाला 30 प्रवासी विमाने गोव्यात दाखल
नियम पाळा; प्रवास करा; शारजाहातून 160 पर्यटक गोव्यात
दाबोळीवर वाढतेय विमानांचे ‘लॅंडिंगDainik Gomantak

दाबोळी: कोरोनाची (Covid-19) दुसरी लाट ओसरण्यास सुरुवात झाल्यानंतर दाबोळी (Dabolim Airport) विमानतळावर देशातील विविध भागांतून येणाऱ्या प्रवासी विमानांच्या संख्येत वाढ होत आहे. त्यामुळे दाबोळी विमानतळावर विमानांच्या लँडिंगमुळे (landing) विमानतळ पुन्हा गजबजू लागले आहे. शुक्रवारी पहाटे 'एअर अरेबिया' (Air Arabia) विमानाने प्रवाशांना घेऊन संयुक्त अरब अमिरात (UAE) कडे उड्डाण केले. तर शारजाह येथून 160 प्रवाशांना घेऊन एअर अरेबियाचे विमान आल्याची माहिती दाबोळी विमानतळाचे संचालक गगन मलिक यांनी ‘गोमन्तक’ ला दिली. (increasing planes landing at Dabolim airport in Goa)

एअर अरेबिया गोव्यासाठी शारजाह येथून मंगळवार, गुरुवार, शनिवार असे तीन दिवस उड्डाण करणार आहे, असेही ते म्हणाले. जून महिन्यात दाबोळी विमानतळावर एकूण 356 देशांतर्गत विदेशी विमाने दाखल झाली. यात एकूण 23 हजार 334 प्रवासी दाखल झाले. जुलै महिन्यात 725 विमानातून 66230 प्रवासी दाखल झाले.

दाबोळीवर वाढतेय विमानांचे ‘लॅंडिंग
Goa: चोर्लातून अवजड वाहतूक सुरूच

नियम पाळा; प्रवास करा

कोरोनाचा जोर ओसरू लागल्याने काही नियम लागू करून प्रवाशांना आणण्यास मुभा देण्यात आली आहे. शुक्रवारी दाबोळीवरून पहिले विमान शारजाहला 30 प्रवाशांना घेऊन रवाना झाले. जे तीस प्रवासी संयुक्त अरब अमिरातकडे रवाना झाले. मार्गदर्शक तत्वानुसार, चार तास अगोदर रॅपिड ॲंटिजेन चाचणी करण्यात आली. पहिल्या दिवशी जरी तीस प्रवासी संयुक्त अरब अमिरातकडे गेले असले तरी येणाऱ्या दिवसांत प्रवासी संख्येत वाढ होईल, अशी आशा मलिक यांनी व्यक्त केली. शारजाहून गोव्यात 160 प्रवासी आले. दुसऱ्या लाटेनंतर विमानसेवा सुरू झाल्यावर आतापर्यंत सर्वाधिक प्रवासी गुरुवारी आले. आम्ही प्रवाशांच्या सुरक्षिततेकडे अधिक लक्ष देत आहोत, असे ते म्हणाले.

दाबोळीवर वाढतेय विमानांचे ‘लॅंडिंग
कोलवाळ तुरुंगातील कारनामे; आरोपींना विवस्त्रावस्थेत उठाबशा काढण्याची शिक्षा

लॉकडाऊनचा फटका

कोरोनाचा फटका गोव्यातील विविध औद्योगिक क्षेत्रासह विमानसेवेलाही बसला. महामारीपूर्वी विविध भागांतून दिवसाला 77 विमाने येत होती. नंतर ती विमाने येथून दुसऱ्या प्रवाशांना घेऊन विविध ठिकाणी जायची. दीड वर्षांपूर्वी कोरोनाचा फैलाव रोखण्यासाठी लॉकडाऊन लागू केल्यानंतर दाबोळीवर येणारी प्रवासी विमानसेवा ठप्प झाली होती.

"दाबोळी विमानतळ टर्मिनलवर अधिक सुसज्ज आणि अद्ययावत सेवा देण्याचा आमचा प्रयत्न आहे. त्यासाठी नवीन नवीन तंत्रज्ञान असलेले पद्धती स्वीकारण्यात येत आहे. विस्तारीकरणाचे काम पूर्ण झाल्यावर मोठा लाभ होईल."

- गगन मलिक, दाबोळी विमानतळाचे संचालक.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com