Gnesh Chaturthi: यंदाच्या गणेश चतुर्थीवर महागाईचे सावट; चौरंग दरात वाढ

लाकूड वधारले : वाढत्या मजुरीचाही परिणाम : 700 वरून थेट एक हजारांवर मूल्य
New Market
New Market Dainik Gomantak

पणजी: श्री गणरायाच्या आगमनाची जय्यत तयारी सुरू झाली असून विविध प्रकारचे साहित्य खरेदीसाठी बाजारात लोकांची गर्दी होत आहे. यंदा गणेशमूर्ती विराजमान करण्यासाठी लागणारे पाट आणि चौरंग यांच्या किमती बऱ्याच वाढल्याचे दिसून आले. गणपतीची मूर्ती काहीजण पाटावर तर काहीजण चौरंगावर बसवितात. मात्र, यंदा नव्या पाटांच्या तसेच चौरंगाच्या दरात मोठ्या प्रमाणात वाढ झाली आहे.

(Inflation rate on Ganesh Chaturthi this year in goa)

New Market
Police Football Cup: धेंपोचे ज्युनियर्स सीनियर्सना भारी

पाटाच्या आकाराप्रमाणे, त्याच्यावरील कलाकुसरीनुसार आणि त्यासाठी वापरलेल्या लाकडानुसार पाटाची किंमत ठरते. गेल्या वर्षी जे पाट 600 ते 700 रुपयांना मिळायचे, त्याच पाटांची किंमत आता 900 ते 1 हजार रुपयांवर पोहोचली आहे. मोठ्या आकाराचे पाट 2500 ते 3 हजार रुपये जोडी या दराने विकले जात आहेत. सागवान, फणस, शिसम लाकडापासून बनविलेल्या पाटांची किंमत त्याहूनही अधिक आहे. कारागिरांची मजुरी वाढली असून लाकूडही महाग झाल्याने दर वाढले, असे पाट, चौरंग विक्रेते सांगतात. मॉल, कापडांची दुकाने तसेच गणेश पूजेसाठी, तसेच सजावटीचे साहित्य, फटाके यांची दुकाने सजली आहेत.

New Market
Sonali Phogat Case: सोनाली मृत्यू प्रकरणाचा घटना क्रम, जाणून घ्या कधी काय घडले..

पडदे, रोषणाईच्या माळांना मागणी

अष्टमीच्या फेरीतून सजावटीसाठी लागणारे साहित्य, कपडे तसेच सोफा सेट, विविध प्रकारची भांडी, कपाटे, टेबल क्लॉथ लोक खरेदी करत आहेत. कृत्रिम फुलांचे हार, विविध प्रकारचे पडदे, रोषणाईच्या विद्युत माळा, थर्माकोलचे मखर, पताका यांना मागणी आहे. हारांची किंमत आकाराप्रमाणे, तसेच दर्जानुसार 100 ते 2 हजार रुपयांपर्यंत आहे. पूजेचे साहित्यही येथे उपलब्ध आहे.

फराळाचे खाद्यपदार्थही उपलब्ध : चतुर्थीनिमित्त लागणाऱ्या नेवऱ्या (करंज्या), लाडू, शंकरपाळी व इतर गोड पदार्थ बाजारात विक्रीसाठी आले असून करंज्या 10 ते 15 रुपये प्रतिनग, लाडू 60 रुपये पाकिट अशा दरात विकले जात आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com