करमळी तळे सुशोभिकरणासाठी पुढाकार!

जलस्रोतमंत्र्यांकडून पाहणी: पर्यावरण परवान्यानंतर काम सुरू
करमळी तळे सुशोभिकरणासाठी पुढाकार!
Karmali lakes Dainik Gomantak

पणजी: राज्यातील सर्वात मोठे तळे असलेल्या करमळी तळ्याच्या सुशोभिकरणासंदर्भात जलस्रोत खात्याकडून पुढाकार घेण्यात आला आहे. या तळ्यातील गाळ उपसा करण्यासाठी पर्यावरण मंडळाची परवानगी पाहिजे. ही परवानगी मिळाल्यास या तळ्यातील गाळ उपसण्याबरोबरच पाण्यातील तण काढण्याचे काम हाती घेण्याचे खात्याने ठरविले आहे.

जलस्रोत खात्याचे मंत्री सुभाष शिरोडकर यांनी कुंभारजुवेचे आमदार राजेश फळदेसाई यांच्याबरोबर करमळी तळ्याची पाहणी केली. या पाहणीनंतर बोलताना मंत्री शिरोडकर म्हणाले की, या तळ्याची देखभाल करण्याचा अधिकार वन खात्याकडे आहे. या तळ्यातील गाळ उपसा करण्याचे काम जलस्रोत खात्याकडून केले जाईल.

Karmali lakes
महागाईसंदर्भात सरकारला योग्यवेळी जाब विचारू: मायकल लोबो

मात्र, त्यासाठी पर्यावरण खात्याकडून परवाना हवा आहे. त्यासाठीचा प्रस्ताव या खात्याकडे पाठवण्यात येणार आहे. परवानगी मिळाल्यास या तळ्याचे काम सुरू केले जाईल. जलस्रोत खात्याला या तळ्याचा विकास करून त्याचे सुशोभिकरण करून पर्यटन स्थळ करण्याचा विचार आहे.

या तळ्याच्या सुशोभिकरणा संदर्भातचा निर्णय अनेक वर्षापूर्वी घेण्यात आला होता. या तळ्याचे सौंदर्य व येणाऱ्या विदेशी पक्षांमुळे पर्यटन स्थळ होऊ शकते त्यासाठी स्थानिक आमदारांनी प्रयत्न केले होते. मात्र, ते पूर्ण झालेच नाही. या पक्षांना पाहण्यासाठी अनेक विदेशी पर्यटक करमळी तळ्याला भेट देतात. या तळ्यामध्ये मोठ्या प्रमाणात गाळ आहे तो उपसणे गरजेचे आहे, असेही शिरोडकर यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.