Pilerne Fire: पिळर्ण परिसरातील हवेची प्रदुषण नियंत्रण मंडळाकडून तपासणी; काय म्हटलंय अहवालात घ्या जाणून...

2 किलोमीटर परिसरातील लोकांसाठीच्या मार्गदर्शक तत्वांची मुदत वाढवली
Pilerne Fire | Fire in Goa Paint Factory
Pilerne Fire | Fire in Goa Paint FactoryDainik Gomantak

Pilerne Fire: पिळर्ण औद्योगिक वसाहतीतील बर्जर बेकर कोटिंग प्रा. लि. या कंपनीत लागलेल्या आगीवर नियंत्रण मिळवण्यात प्रशासनाला यश आले आहे. तथापि, गोवा राज्य प्रदुषण नियंत्रण मंडळाकडून (GSPCB) या परिसरातील हवेची तपासणी करण्यात आली आहे आणि GSPCB ने याबाबतचा अहवालही दिला आहे. (Fire in Goa Paint Factory)

Pilerne Fire | Fire in Goa Paint Factory
Goa Taxi: पेडणेतील टॅक्सी चालकांकडून ब्लू कॅब फॉर्मची होळी

या अहवालात म्हटले आहे की, येथील हवेत प्रदुषण नाही. हवेतील सर्व घटक योग्य प्रमाणात आहेत. हवा शुद्ध आहे. तथापि, आणखी दोन ते तीन दिवस येथील हवेची तपासणी केली जाणार आहे, अशी माहिती GSPCB चे अध्यक्ष महेश पाटील यांनी दिली.

दरम्यान, आग लागलेल्या घटनास्थळापासून २ किलोमीटर परीघातील परिसरातील रहिवाशांसाठी ज्या मार्गदर्शक सूचना सरकारच्यावतीने देण्यात आल्या होत्या, त्याची मुदत आणखी ७२ तासांसाठी वाढवली आहे.

आग अजूनही धुमसत असल्याने हा निर्णय घेण्यात आला आहे. उत्तर गोव्याच्या जिल्हाधिकारी मामू हागे यांनी याबाबतचे आदेश दिले आहेत.

Pilerne Fire | Fire in Goa Paint Factory
Anjuna Crime: मद्यधुंद बिहारींच्‍या मारहाणीतील जखमीचा गोमेकॉत मृत्‍यू

या आगीत बर्जर बेकर कोटिंग प्रा. लि. कंपनीचे प्रोसेसिंग युनिट पुर्णतः जळून खाक झाले आहे. आगीत 40 दुचाकी भस्मसात झाल्या असून कंपनीचेही कोट्यवधींचे नुकसान झाले आहे.

4 टन फोम आणि 12 लाख लीटर पाणी वापरून फायर ब्रिगेड, संरक्षण विभाग, नौदल, मुरगाव पोर्ट ट्रस्ट अशा विविध विभागातील 100 हून अधिक कर्मचाऱ्यांनी ही आग नियंत्रणात आणली. राज्यातील अग्निशमन विभागांतील सर्व सुमारे 40 बंब ही आग विझवत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com