IPS इंद्रदेव शुक्ला गोव्याचे नवे पोलिस महासंचालक

1995 मध्ये शुक्ला राज्यात पोलिस उपअधीक्षकपदी नेमणूक झाली होती. तेव्हा ते पणजीचे उपविभागीय पोलिस अधिकारी होते.
IPS इंद्रदेव शुक्ला गोव्याचे नवे पोलिस महासंचालक
IPS Indradev Shukla is new Director General of Police of Goa Dainik Gomantak

पणजी: राज्याचे पोलिस महासंचालक मुकेश कुमार मीणा यांची दिल्लीमध्ये बदली करण्यात आली असून त्यांच्या जागी 1995 ॲग्मूट केडरचे आयपीएस अधिकारी इंद्रदेव शुक्ला (IPS Indradev Shukla) यांची वर्णी लावली आहे. हा बदलीचा आदेश आज गृह मंत्रालयाने काढला. नवे पोलिस महासंचालक इंद्रदेव शुक्ला हे गोव्यात अनेक वर्षे होते. 1995 मध्ये त्यांची राज्यात पोलिस उपअधीक्षकपदी नेमणूक झाली होती. तेव्हा ते पणजीचे उपविभागीय पोलिस अधिकारी होते. त्यानंतर त्यांना अधीक्षकपदी बढती मिळाली व त्यानंतर ते आयपीएस ॲग्मूट केडरमध्ये अधिकारी बनले.

IPS Indradev Shukla is new Director General of Police of Goa
गोवा पर्यटन विभागाकडून स्थानिक व्यावसायिकांना दिलासा

...म्हणून मीणा डोईजड

महासंचालकपदी मीणा यांनी अधीक्षकांचे अधिकार काढून घेऊन सर्व फाईल्स आपल्या कार्यालयातून संमत केल्या. त्यामुळे अनेकदा त्यांच्याशी अधीक्षक पदाच्या अधिकाऱ्यांचे खटकेही उडाले होते. काही सत्ताधारी राजकारण्यांकडून त्यांच्याबाबत मुख्यमंत्र्यांकडे तक्रारी गेल्या होत्या. त्यामुळे मीणा सरकारलाही डोईजड झाले होते.

IPS Indradev Shukla is new Director General of Police of Goa
गोवा पर्यटन विकास महामंडळाच्या 'सी प्लेन' सेवेला विलंबच

पंकज कुमार यांचीही बदली

दक्षिण गोवा पोलिस अधीक्षक पंकज कुमार (आयपीएस) यांची दिल्ली येथे युवा व्यवहार खात्याच्या उपसचिवपदी बदली करण्यात आली आहे. ते 2008 ॲग्मूट केडरचे आयपीएस अधिकारी असून त्यांची 2019 मध्ये गोव्यात बदली झाली होती. त्यांच्या पत्नी अस्लम खान या सध्या गोव्यात पोलिस उपमहानिरीक्षक पदावर आहेत. गृह मंत्रालयाने त्यांची शिफारस केली होती.

Related Stories

No stories found.
Dainik Gomantak | दैनिक गोमन्तक
www.dainikgomantak.com