जॉन नाझारेथ यांनी गोवा फॉरवर्डला दिली सोडचिठ्ठी

गोवा फॉरवर्डचे (Goa Forward) संयुक्त सचिव जॉन नाझारेथ (John Nazareth) यांनीही गोवा फॉरवर्ड पक्षाचा राजीनामा दिला आहे.
जॉन नाझारेथ यांनी गोवा फॉरवर्डला दिली सोडचिठ्ठी
John NazarethDainikl Gomantak

मडगाव: गोवा फॉरवर्डचे (Goa Forward) संयुक्त सचिव जॉन नाझारेथ (John Nazareth) यांनीही गोवा फॉरवर्ड पक्षाचा राजीनामा दिला आहे. आपण वैयक्तिक कारणासाठी पक्षाच्या सदस्यत्वाचा राजीनामा देत असल्याचे त्यांनी म्हटले. 10 दिवसांपूर्वीच आपण हा राजीनामा सादर केला होता असे त्यांनी म्हटले आहे. नाझारेथ हे पूर्वाश्रमीचे सरकारी कर्मचारी संघटनेचे अध्यक्ष होते.

दरम्यान, गोवा फॉरवर्डने (Goa Forward) उत्तर गोव्यातील संपूर्ण भिस्त ज्यांच्यावर ठेवली होती त्याच पक्षाचे कार्याध्यक्ष किरण कांदोळकर (Kiran Kandolkar) यांनी गोवा फॉरवर्डला आज रामराम ठोकल्याने गोवा फॉरवर्डला जबरदस्त धक्का बसला असून त्यामुळे उत्तर गोवा सर करण्याचे गोवा फॉरवर्डचे मनसुबे ढासळले आहेत. कांदोळकर तृणमूल काँग्रेस पक्षात प्रवेश करणार असल्याचे सांगितले जात आहे.

John Nazareth
गोवा फॉरवर्डला मोठा धक्का; किरण कांदोळकरांनी पक्षाला ठोकला राम-राम

आज कांदोळकर यांनी गोवा फॉरवर्डचा राजीनामा दिला. पण त्यापूर्वी त्यांनी आपल्या या निर्णयाबद्दल गोवा फॉरवर्डच्या नेत्यांना पुर्णपणे अंधारात ठेवल्याचे कळते. यापूर्वी कांदोळकर यांनी अशाचप्रकारे भाजप पक्ष सोडून ते गोवा फॉरवर्ड पक्षात स्वतःला सामील करून घेतले होते. आपल्या निर्णयाबद्दल सांगताना कांदोळकर यांनी गोवा फॉरवर्ड काँग्रेस पक्षाबरोबर युती करत असल्यामुळे आपण गोवा फॉरवर्ड सोडल्याचे सांगितले. गोव्यात भाजपचा पराभव हे एकमेव आपले ध्येय आहे आणि काँग्रेसकडे भाजपला हरविणे शक्य होणार नाही असे सांगितले.

Related Stories

No stories found.
Dainik Gomantak | दैनिक गोमन्तक
www.dainikgomantak.com