फोंडा: फोंडा तालुक्यातील कोडार खांडेपार नदीच्या पात्रात बुडून मृत्युमुखी पडण्याच्या वाढत्या घटनांवर आळाबंद घालण्यासाठी फोंडा उपजिल्हाधिकारी प्रदीप नाईक यांनी सोमवारी सकाळी कार्यालयात विविध सरकारी खात्यांच्या अधिकाऱ्यांची बैठक घेऊन चर्चा केली. (Joint meeting of officials was held to prevent drowning accident in Kodar-Khandepar river in Goa)
यावेळी गोवा कॅनचे समन्वयक रोलंड मार्टिन, लॉरना फर्नांडिस, फोंडा अग्निशामक दलाचे अधिकारी सुशील मोरजकर, खाण खात्याचे उपसंचालक अभिर हेदे, फोंडा पोलिस निरीक्षक मोहन गावडे, फोंडा गटविकास अधिकारी आश्विन देसाई, सार्वजनिक बांधकाम खात्याचे साहाय्यक अभियंता एस. वाय. गावडे, अबकारी खात्याचे अधिकारी शशिकांत नाईक यांच्यासह अन्य मान्यवर उपस्थित होते.
आळाबंद घालणार
फोंडा तालुक्यात सहलीला जाऊन मौजमजेसाठी आलेले तरुण व विद्यार्थ्यांचे कोडार खांडेपार नदीच्या पात्रात मृत्यू होण्याच्या दुर्दैवी घटना घडतात. त्या घटनांचे गांर्भीय लक्षात घेऊन दुर्घटना रोखण्यासाठी शासकीय यंत्रणानी पावले उचलण्यासाठी चर्चा झाली. या बैठकीत विविध खात्याच्या अधिकाऱ्यांकडून मत जाणून घेण्यात आल्या. प्रत्येकाला आपल्या सुरक्षेचा पहिला अधिकार असून बुडून होणाऱ्या घटनांवर आळाबंद घालण्यासाठी जगभरात २५ जुलै रोजी जागतिक संघटना व युनायटेड नेशनने जागृती दिवस म्हणून पाळण्याचे ठरवले असल्याचे गोवा कॅनचे समन्वयक रॉलंड मार्टिन यांनी सांगितले.
सूचनाफलक लावावेत
कोडार नदी पात्रात दुर्घटनास्थळे अधोरेखित करून इंग्रजी, मराठी, कोकणी भाषेत सूचनाफलक लावावेत. सहलीसाठी येणारे युवक मद्यपान करून अंघोळीसाठी पाण्यात उतरतात. मात्र, पाण्याचा अंदाज नसल्याने बुडून मृत्यू होतात. तसेच विविध खात्यात नवनवे कायदे यासंदर्भात जागृती झाली पाहिजे.
घटनास्थळी भेट देणार
फोंडा पोलिस निरीक्षक मोहन गावडे व फोंडा अग्निशामक दलाचे अधिकारी सुशील मोरजकर यांनी बुडून मृत्यू होण्याच्या घटनांबाबत चिंता व्यक्त केली. दुर्घटनेत मृत्यू झालेल्यांचा आढावा घेऊन काढून 19 जुलै रोजी सकाळी 10.30 वा. फोंडा उपजिल्हाधिकारी प्रदीप नाईक, गोवा कॅनचे समन्वयक रोलंड मार्टिन व विविध खात्याचे अधिकारी यांनी घटनास्थळी भेट देणार असल्याचे रोलंड मार्टिन यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
