अतिरिक्त जबाबदारीमुळे ‘तो’ ताबा स्वीकारला नव्हता : जोशुआ डिसोझा

जीएसआयडीसीच्या उपाध्यक्षपदाचा ताबा न स्वीकारण्याबाबत स्पष्टीकरण
अतिरिक्त जबाबदारीमुळे ‘तो’ ताबा स्वीकारला नव्हता : जोशुआ डिसोझा
Joshua D'SouzaDainik Gomantak

म्हापसा : भाजपने मला इतरही महत्त्वाच्या जबाबदाऱ्या दिल्या आहेत. यामध्ये राष्ट्रीय अल्पसंख्याक मोर्चाचा मी सरचिटणीस आहे. याशिवाय मागील दोन महिन्यांपासून मला वारंवार राज्याबाहेर कामानिमित्त जावे लागले. माझ्यावर अतिरिक्त राष्ट्रीय जबाबदारी असल्यानेच मी जीएसआयडीसीच्या उपाध्यक्षपदाचा ताबा घेतला नव्हता आणि मला इतर जबाबदारी मिळणार आहे, अशी माहिती मिळाल्याने मी थोडावेळ थांबलो, असे म्हणत आमदार जोशुआ डिसोझा यांनी जीएसआयडीसीच्या उपाध्यक्षपदाचा ताबा न स्वीकारण्याबाबत स्पष्टीकरण दिले.

जोशुआ डिसोझा यांची मुरगाव नियोजन विकास प्राधिकरणाच्या अध्यक्षपदी (पीडीए) नियुक्ती केली आहे. याविषयी बोलताना ते म्हणाले की, पक्षाने राष्ट्रीय जबाबदारी दिल्याने मला अनेकदा गुजरात, महाराष्ट्राला जावे लागले. त्यामुळे कामात जरा जास्त व्यस्त राहिलो. मुरगाव पीडीए बाबत, मला अद्याप अधिसूचना मिळालेली नाही. पण, भाजपाने आणि मुख्यमंत्र्यांनी माझ्यावर विश्वास ठेवून ही जबादारी सोपविल्याने मी पक्षाचा आभारी आहे.

मंत्री विश्वजित राणे यांनीही माझ्यावर विश्वास ठेवल्याबद्दल त्यांचेही मी आभार मानतो. या पदाला मी योग्य न्याय देण्याचा प्रयत्न करीन. माझ्या कारर्किदीत मुरगावातील लोकांना स्वच्छ प्रशासन देण्यासाठी मी कटिबद्ध असेन. शिवाय मुरगावातील सर्व लोकप्रतिनिधीं व लोकांना विश्वासात घेऊन काम करणार असल्याचे जोशुआ म्हणाले.

Joshua D'Souza
बेकायदेशीर कृत्यांविरोधात कारवाई होणारच; राणेंनी ठणकावलं

कायद्यानुसार कारवाई होऊ दे
विरोधी पक्षनेता मायकल लोबो यांना सरकार हेतुपरस्पर लक्ष्य करीत असल्याच्या प्रश्नावर बोलताना जोशुआ म्हणाले की, जर बेकादेशीर बांधकाम असल्यास ते जमिनदोस्त होणारच. कायद्यानुसार कारवाई होऊ देत. जो लोकप्रतिनिधी असतो, त्याने नेहमीच कायदेशीर राहायला पाहिजे. जर कायदेशीर राहिल्यास असे प्रश्नच निर्माण होत नसतात, अशी उपहासात्मक टीका त्यांनी केली.

लोबोंना लक्ष्य करण्याचा प्रश्नच नाही
मायकल लोबो यांना वैयक्तिकरित्या लक्ष्य करण्याचा प्रश्नच नाही. जेव्हा ते इतरांना जाणूनबुजून लक्ष्य करायचे, तेव्हा माध्यमांनी हा प्रश्न त्यांना कधीच विचारला नव्हता. आता लोबो यांना याचा सामना करावा लागत असल्याने ते स्वतःला पीडित म्हणताहेत, अशा शब्दांत जोशुआ यांनीही लोबो यांच्यावर तोंडसुख घेतले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com