पत्रकार दिनाचे महत्त्व अधोरेखित करायचे असेल तर टिळकांचे आदर्श डोळ्यासमोर ठेवून पत्रकारांनी पत्रकारिता करावी. पूर्वीची पत्रकारिता व सध्या पत्रकारितेमध्ये होत असलेले परिवर्तनामुळे मुल्ये हरवत चाललेली आहेत. एकावेळी समाजात पत्रकाराबद्दल असलेला विश्वास व धाक आज राहिलेला नाही. यासाठी काही पत्रकार जबाबदार आहेत.
पत्रकारितेला गत वैभव मिळवून द्यायचे असेल तर पत्रकारांनीच आपली प्रामाणिक पत्रकारिता करून मिळवावे लागेल. याचा शुभारंभ मुरगाव पत्रकार लेखक संघाच्या वतीने होईल व अशा प्रकारच्या प्रामाणिक पत्रकारांना माझा सदैव पाठिंबा असेल असे मत नागोवा पंचायतीचे बिनविरोधी निवडून आलेले पंच प्रमुख पाहुणे ॲड दिलेश्वर नाईक यांनी आज मुरगाव पत्रकार लेखक संघाव तर्फे आयोजित पत्रकार दिन कार्यक्रमात व्यक्त केले.
यावेळी प्रमुख पाहुणे ॲड दिलेश्वर नाईक, मुरगाव पत्रकार संघाचे अध्यक्ष सुनील शेट, सरचिटणीस प्रदीप नाईक, खजिनदार सुभाष राव, भरत तळणकर, केली फुर्तादो, जगदीश दुर्भाटकर, अनंत मांजरेकर उपस्थित होते. स्वागत व प्रास्ताविक अध्यक्ष सुनील शेट यांनी केले. प्रदीप नाईक यांनी सूत्रसंचालन तर सुभाष राव यांनी आभार मानले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
