Vaso Railway: रेल्वेकडून पाच कबरींची मोडतोड? वास्कोत तणाव

Vaso Railway: मायमोळे कब्रस्तानातील सुमारे पाच कबरींचे नुकसान केल्याचा दावा रहिवाशांनी केला आहे. यामुळे मंगळवारी वास्कोमध्ये काहीकाळ तणाव निर्माण झाला होता.

मायमोळे कब्रस्तानात सुरू असलेल्या कामाची पूर्वकल्पना देण्यात आली नाही. अशी तक्रार येथील रहिवाशांनी केली.

मिळालेल्या माहितीनुसार, रेल्वेकडून मायमोळे कब्रस्तानात (Maimollem kabrastan) काही मशीन काम करत असल्याचे येथील स्थानिकांना आढळून आले. या घटनेची माहिती स्थानिकांनी वास्को आमदार कृष्णा साळकर आणि वास्को पोलिसांनी दिली. स्थानिकांनी सुरू असलेले काम बंद पाडले. याप्रकरणी कडक कारवाई करण्याची मागणी केली आहे.

रेल्वे प्रशासनाचे कंत्राटदार कब्रस्तानात काम करत होते. त्यांनी चार ते पाच कबरींचे नुकसान केल्याचा दावा स्थानिकांनी केला आहे. दरम्यान, यावेळी मोठ्या प्रमाणावर जमाव मायमोळे कब्रस्तानात गोळा झाला होता व परिसरात काही काळासाठी तणाव निर्माण झाला होता.

दरम्यान, वास्को आमदार कृष्णा साळकर यांनी याप्रकरणी एक बैठक बोलवण्याची सूचना केली आहे.