Kadamba Bus Service : मोपा-मडगाव कदंब बसचे दर थोडे महागच

कदंब बससेवेचे दर महाग असल्याचे कदंब महामंडळाचे अध्यक्ष उल्हास तुयेकर यांनी मान्य केले आहे.
Kadamba Electric Bus
Kadamba Electric BusDainik Gomantak

मोपा विमानतळ सुरू झाला असून प्रवाशांना वाहतुकीचा आणखी एक पर्याय म्हणून सरकारने कदंब महामंडळ बससेवा सुरू केली आहे, परंतु ही सेवादेखील महाग असून मोपा - मडगाव जाण्यासाठी दर 500 रुपये, पणजी 250 रुपये आणि म्हापसा 200 रुपये ठेवले आहेत. कदंब बससेवेचे दर महाग असल्याचे कदंब महामंडळाचे अध्यक्ष उल्हास तुयेकर यांनी मान्य केले आहे.

सध्या मोपा - मडगाव मार्गावरील दर 100 रुपये कपात करून 400 रुपये केला आहे. येणाऱ्या दिवसांत दर बदलण्यासंदर्भात विचार केला जाईल, असे तुयेकर यांनी स्पष्ट केले. पर्वरी येथे विधानसभा संकुलात ते पत्रकारांशी बोलत होते.

मोपा विमानतळ नव्याने सुरू झाला असून सुरुवातीला अभ्यास करण्यासाठी दर निश्‍चित केला आहे. कारण बसमध्ये किती प्रवासी येणार हे सांगता येणार नाही. बसची क्षमता 40 हून अधिक आहे. त्यात चार ते पाच प्रवासी आल्यास महामंडळाला फटका बसणार आहे. त्यामुळे चांगला प्रतिसाद मिळाल्यास दरांसंदर्भात नक्की विचार केला जाईल, असे तुयेकर यांनी सांगितले.

Kadamba Electric Bus
Mahadayi Water Dispute : वन खातं अॅक्शन मोडमध्ये; कर्नाटककडे मागितला खुलासा

मोपातून थेट सासष्टीला जाण्यासाठी टॅक्सी शुल्क जास्त असल्याने कदंब महामंडळाची बस घेऊन प्रवास करण्याची सुविधा आहे, परंतु कदंब महामंडळाने दर जास्त ठेवल्याने प्रवाशांचा अपेक्षाभंग झाला आहे. पणजी ते मडगाव शटल बससेवा दर 50 रुपये असून मोपा ते मडगाव थोडा जास्त दर अपेक्षित होती. मात्र खूपच महाग ठेवल्याने जनतेकडून टीका होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com