फोंड्यातील कदंब बसस्थानक 'बंद'

धोकादायक फलक लावले: पावसाळ्यात होणार गैरसोय, तात्पुरती शेड उभारण्याची गरज
फोंड्यातील कदंब बसस्थानक 'बंद'
Kadamba Bus StandDainik Gomantak

फोंडा: फोंडा बसस्थानक धोकादायक असल्याचा फलक लावण्यात आल्याने आता ऐन पावसाळ्यात प्रवाशांनी बससाठी थांबायचे कुठे? असा सवाल निर्माण झाला आहे. या कदंब बसस्थानकाच्या चारही बाजूंनी पत्रे उभारून आतमध्ये जाण्यास प्रवाशांना अटकाव करण्यात आला आहे. नूतनीकरणासाठी हे बसस्थानक बंद करण्यात आले असल्याचे सांगण्यात येत असले तरी ऐन पावसाळ्यात आता प्रवाशांची सोय कुठे, या प्रश्‍नाला सध्या उत्तरच नाही. विशेष म्हणजे ‘गोवा कॅन'' या संस्थेनेही या विषयावर बोट ठेऊन वाहतूक खात्याला तसेच कदंब महामंडळाला यासंबंधी विचारणा केली आहे.

Kadamba Bus Stand
स्‍पिरिट ऑफ गोवा महोत्‍सवाचे उद्‌घाटन

सध्या या बसस्थानकावरून वाहतूक सुरू होत असली तरी लोकांना उन्हात ताटकाळत थांबावे लागते, त्यातच बसस्थानकावरील चहा, थंडपेयाचे स्टॉल्सही बंद करण्यात आल्याने अधिकच गैरसोय झाली आहे.

आता सबंध बसस्थानकच धोकादायक बनल्याने दुरुस्तीकाम हाती घेण्यात येत असल्याचे सांगण्यात येत आहे, त्यासाठी धोकादायक फलकही उभारण्यात आले असून लोखंडी पत्र्याचे अडथळे बसस्थानकाच्या शेजारी उभे करून प्रवाशांना धोक्याची कल्पना देण्यात आली आहे, मात्र आश्‍चर्याची बाब म्हणजे हे दुरुस्तीकाम कधी सुरू होणार, कधी पूर्ण होणार याबाबत कुणीच काही सांगू शकत नाही.

Kadamba Bus Stand
फोंड्यात पडझड सुरूच...

1991 झाली होती पायाभरणी: फोंड्यातील कदंब बससस्थानकाची पायाभरणी तत्कालीन मुख्यमंत्री तसेच विद्यमान फोंड्याचे आमदार व कृषीमंत्री रवी नाईक यांनी 1991 साली केली होती. वर्षभराच्या कालावधीनंतर 1992 मध्ये या बसस्थानकाचे उद्घाटनही झाले, मात्र गेली तीस वर्षे या बसस्थानकाची दुरुस्ती करण्यात आलेली नाही. फक्त जुजबी काम तेवढे केले जाते, मात्र मुख्य दुरुस्ती करण्यात आली नसल्याने दोनवेळा या बसस्थानकाच्या छताचा सिमेंट काँक्रिटचा तुकडा खाली पडला होता. यात प्रवाशी जखमी झाला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.