पणजी: गोवा सरकारच्या (Goa Government) मालकीच्या कदंब बस वाहतूक महामंडळातील (Kadamba Bus Transport Corporation) कर्मचाऱ्यांच्या विविध मागण्यांसाठी केटीसी ड्रायव्हर्स आणि संलग्न कर्मचारी असोसिएशनच्या वतीने आझाद मैदानावर निदर्शने करत एक दिवसाचे लाक्षणिक उपोषण केले. कदंब कर्मचाऱ्यांच्या मागण्या एक महिन्यात मान्य न झाल्यास बेमुदत संपाचा इशारा आयटकचे सरचिटणीस ख्रिस्तोफर फोन्सेका यांनी यावेळी दिला.
पणजी: कदंब कर्मचाऱ्यांना सातवा वेतन आयोग लागू करून 2016 पासूनचा फरक देण्यात यावा. कंत्राटी चालक, वाहक, तंत्रज्ञ कामगारांना कायम करण्यात यावे. समान काम समान वेतन लागू करावे, किमान 25000 वेतन द्यावे, इलेक्ट्रॉनिक बस कंत्राटदाराऐवजी महामंडळाने चालवावेत आदी मागण्यांसाठी आझाद मैदानावर हा एक दिवसाचा लाक्षणिक उपोषण आणि धरणे कार्यक्रम झाला. यावेळी कामगार नेते राजू मंगेशकर, कदंब बस वाहतूक कर्मचारी संघटनेचे अध्यक्ष शशिकांत गावकर, आयटकचे सचिव प्रसन्ना उटगी, चंद्रकांत चोडणकर, आत्माराम गावस, निशिमंतो लोबो आदी पदाधिकारी आणि महामंडळाचे कर्मचारी मोठ्या संख्येने उपस्थित होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
