कर्नाटकच्या 'या' अभिनेत्याचा गोव्यामध्ये अपघात

कन्नड अभिनेता दिगंत मंचले (Diganth Manchale) गोव्यातील (Goa) वागातोर किनाऱ्यावर सोमवारी समरसॉल्ट हा क्रीडा प्रकार करताना जखमी झाला आहे. त्याच्यावर खासगी रुग्णालयात उपचार केल्यानंतर बंगलोर येथे त्याला एअर लिफ्ट करण्यात आले. ही घटना सोमवारी वागातोर किनाऱ्यावर घडली आहे. मात्र, याची खबर हणजूण पोलिसात देण्यात आलेली नाहीये. उपलब्ध माहितीनुसार दिगंत मंचले हा आपल्या कुटुंबियांसह गोव्यामध्ये आला होता. (Kannada actor Diganth Manchale has been injured on the Vagator beach in Goa)

समरसॉल्टमुळे दिगंतच्या पाठीला आणि पायालाही दुखापत झाली आहे. त्याची पत्नी आणि लोकप्रिय अभिनेत्री अंद्रिता राय हिने दिगंतसोबत त्याच्या उपचारासाठी बेंगळुरूला प्रवास केला. दिगंतची प्रकृती गंभीर असली तरी त्याबाबत अधिक माहितीची प्रतीक्षा आहे. दिगंत ट्रॅम्पोलिनवर होता आणि बॅकफ्लिप करण्याचा प्रयत्न करत होता, यावेळी त्याच्या तोल गेल्याने पाठीला दुखापत झाल्याचे सांगण्यात येत आहे. कुटुंबातील एका सदस्याने सांगितले की त्याच्या पडण्यामुळे मणक्याचे विघटन झाले आहे.