Sports Ground: कारापूर क्रीडामैदान जागेत कचरा शेड नको !

डिचोली तालुक्यातील संतप्त युवकांची मागणी- जेसीबी अडवून जमीन सपाटीकरण रोखले
Sports Ground |Bicholim
Sports Ground |BicholimDainik Gomantak

Bicholim Sports Ground: डिचोली तालुक्यातील कारापूर गावात पंचायतीतर्फे बांधण्यात येणाऱ्या सुका कचरा ठेवण्यासाठीच्या ‘मटेरियल रिकव्हरी फॅसिलिटी’ शेडचा विषय तापण्याची चिन्हे दिसत आहेत. कारापूर येथील नियोजित क्रीडामैदानाच्या जागेत शेड उभारण्यास स्थानिक युवकांचा तीव्र विरोध आहे.

हे शेड बांधण्यासाठी आज (सोमवारी) जेसीबी मशीनद्वारे जमीन सपाटीकरणाचे काम हाती घेण्यात आले होते. मात्र, संतप्त युवकांनी जमीन सपाटीकरणाचे काम रोखले.

Sports Ground |Bicholim
Goa PWD Workers: सातवा वेतन आयोग लागू करण्यासाठी PWD कर्मचारी रस्त्यावर...

दरम्यान, सायंकाळी सुनील पोकळे यांच्यासह अन्य स्थानिक युवकांनी डिचोलीचे उपजिल्हाधिकारी तसेच मामलेदारांना आपल्या मागणीचे निवेदनही दिल्याची माहिती मिळाली आहे. क्रीडामैदान हवे, अशी मागणीही या युवकांनी केली. आता पंचायत कोणती भूमिका घेते, त्याकडे सर्वांचे लक्ष लागून राहिले आहे.

न्यायालयीन आदेशानुसार प्रत्येक पंचायतीने कचरा शेड बांधणे बंधनकारक आहे. त्यानुसार कारापूर पंचायतीने मैदानासाठी आरक्षित ज्ञानज्योती विद्यालयासमोरील जागेत सुका कचरा ठेवण्यासाठी हे शेड बांधण्याचा पंचायतीचा प्रस्ताव आहे.

Sports Ground |Bicholim
Art Of Goa: ...यामुळे 'पुढील वर्षापासून कलावृद्धी पुरस्कार देणार !' सांस्कृतिक मंत्र्यांची मोठी घोषणा

ग्रामसभेतही झाला होता विरोध

वर्षांपूर्वी म्हणजेच 21 नोव्हेंबर 2022 रोजी झालेल्या पंचायतीच्या ग्रामसभेतही या मुद्यावर गरमागरम चर्चा झाली होती. आम्हाला त्वरित क्रीडामैदान उपलब्ध करून द्या.

अशी मागणी स्थानिक युवकांनी करतानाच, मैदानासाठी आरक्षित ठेवलेल्या जागेत ‘मटेरियल रिकव्हरी फॅसिलिटी’ शेडला कडाडून विरोध केला. हा प्रकल्प मैदानाच्या जागेत सोडून अन्यत्र उभारा, अशी मागणीही उपस्थित युवकांनी करून, तसा ठराव घेतला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com