Kargil Vijay Diwas: ''भारतीय जवानांनी शत्रुवर नेहमीच विजय मिळवला''

कारगिल विजयाचा प्रत्येक भारतीयाला अभिमान असायला हवा
Kargil Victory Day
Kargil Victory DayDainik Gomantak

वास्को: भारतीय जवानांनी नेहमीच शत्रुवर विजय मिळवलेला असून याचा अभिमान प्रत्येक भारतीयाला असायलाच हवा असे प्रतिपादन नगराध्यक्ष लिओ रॉड्रिगीस याने केले. कारगिल विजय दिवसाच्या निमित्ताने जेटी सडा येथील श्री सुसेनाश्रम विद्यालयांमध्ये जायंट्स ग्रुप ऑफ वास्को तर्फे आयोजित कार्यक्रमात ते प्रमुख पाहुणे म्हणून उपस्थित होते.

(Kargil Victory Day at Vasco was celebrated with enthusiasm )

Kargil Victory Day
Public Holiday: पंचायत मतदानासाठी राज्यात सार्वजनिक सुट्टी जाहीर

यावेळी व्यासपीठावर जेन्ट्स ग्रुप ऑफ वास्कोचे अध्यक्ष तथा नगरसेवक दामोदर नाईक परशुराम, नंदकिशोर शेटे आनंद सातार्डेकर, शुभम यादव, गायत्री कुबल, अनुपमा गावस व इतर पदाधिकारी उपस्थित होते.

आपल्या भाषणामध्ये नगराध्यक्ष म्हणाले, की 23 वर्षांपूर्वी पाकिस्तानी सैनिकांनी अनपेक्षितपणे भारतीय सीमेच्या आत घुसखोरी करून तेथील प्रांत आपल्या ताब्यात मिळवण्याचा प्रयत्न केला, मात्र सदैव तत्पर असलेल्या भारतीय जवानांनी सुमारे दोन महिने यशस्वीरित्या प्रत्युत्तर देत त्यांना भारतीय सीमेतून हाकलून लावण्यात यश मिळवले.

Kargil Victory Day
Liquor Ban: रात्री दहानंतर गोव्यात मद्यविक्रीला बंदी, पंचायत निवडणूकीच्या पार्श्वभूमीवर निर्णय

भारतीय सैनिकांनी नेहमीच दुश्मनाने केलेले हल्ले यशस्वीरित्या परतावून लावले आहेत. भारतीयांसाठी ही जमेची बाजू आहे. याचा आपल्या सर्वांना अभिमान सर्वांना वाटायला पाहिजे. आपल्या देशाचा इतिहास पाहूनच विद्यार्थ्यांनी उज्वल भवितव्याकडे वाटचाल करण्याचे आवाहन नगराध्यक्ष यांनी यावेळी केले.

जॉइंट्स ग्रुपचे अध्यक्ष दामोदर नाईक यांनी कारगिल युद्धातील काही महत्त्वाच्या घटना आपल्या भाषणातून नमूद केल्या. विद्या सातार्डेकर यांचेही यावेळी भाषण झाले. कारगिल विजय दिवस विषयावर विद्यार्थ्यांसाठी आयोजित केलेल्या निबंध लेखन स्पर्धेतील विजेत्यांना उपस्थित मान्यवरांच्या हस्ते बक्षीस देण्यात आली.

वरिष्ठ गटातून ऋतुराज तलावडेकर - प्रथम, प्रज्ञेश वराडकर - द्वितीय व रंजीता पाल - तृतीय तसेच कनिष्ठ गटातून दिपाशा शेटे प्रथम- भाग्यश्री हिरेकुरबर - द्वितीय व क्षितिज रेडकर - तृतीय यांना बक्षीसे देण्यात आली .शाळेच्या मुख्याध्यापिका सुनीता पवार यांनी मान्यवरांचे स्वागत केले कार्यक्रमाचे सूत्रसंचालन शिक्षिका संगीता कुंभार यांनी केले तर शिक्षक संतोष खोर्जुवेकर यांनी आभार व्यक्त केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com