Karnataka Election 2023 : मतदानासाठी जाणाऱ्या कन्नड रहिवाशांत उत्साह

मुरगावमधून तब्बल १० हजारहून अधिक लोक कर्नाटकला रवाना
Karnataka Elections 2023
Karnataka Elections 2023Gomantak Digital Team

Goa News : रविवारी कर्नाटक निवडणुकीसाठी मतदान करण्याकरिता मुरगाव तालुक्यासह राज्यातील इतर भागांतून हजारो लोक बस, खासगी वाहने आणि रेल्वेतून आपापल्या गावी निघाले आहेत. गोवा कन्नड महासंघाचे अध्यक्ष सिद्धण्णा मेती यांनी दिलेल्या माहितीनुसार, या निवडणुकीवेळी भाजपने तळागाळात जाऊन प्रचार आणि प्रसार केला.

याअगोदर काँग्रेस पक्षाने कधीच एवढ्या मुळात जाऊन मतदारांना आपल्याकडे ओढण्याचा प्रयत्न केला नव्हता. सांकवाळचे माजी सरपंच शरण मेती म्हणाले की, कन्नड राहिवाशांमध्ये कर्नाटकच्या निवडणुकीमुळे जल्लोष आहे. मुरगावमधून तब्बल १० हजारहून अधिक लोक कर्नाटकला रवाना झाले असून कर्नाटकमधील स्थानिक राजकारण्यांनी त्यांच्यासाठी येण्या-जण्याची, राहण्याची सोय केली आहे.

Karnataka Elections 2023
Goa News: गोमन्तक ‘तनिष्का व्यासपीठ’तर्फे ‘पुरूमेंत फेस्त’

गोव्यात स्थायिक झालेले कन्नड लोक कर्नाटकात मतदानासाठी एवढ्या दूर का जातात, असे विचारले असता मेती म्हणाले की, काही लोकांच्या घरची माणसे अजूनही कर्नाटकात राहतात. त्यांची मतदान यादीत नोंदणी आहे. आपला मालकी हक्क आणि गावपण कायम राहावे, यासाठी काही लोक अजूनही मतदान करण्यासाठी कर्नाटकात जातात.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com