पणजी : उत्तर गोवा जिल्हा पंचायतीच्या अध्यक्ष व उपाध्यक्ष पदासाठी प्रत्येकी एकच अर्ज आल्याने कार्तिक कुडणेकर यांची अध्यक्षपदी तर दिक्षा कांदोळकर यांची उपाध्क्षपदी बिनविरोध निवड झाली. जिल्हा पंचायत मुख्य कार्यकारी अधिकारी (सीईओ) तथा निवडणूक अधिकारी पि पी मुरगावकर यांनी त्यांच्या निवडीची घोषणा केली. यावेळी त्यांनी पंचायतीच्या विकासकामाच्या प्रक्रियेसंदर्भात तसेच जिल्हा पंचायतीकडे विकासकामांवर खर्चासाठी असलेल्या निधीची माहिती दिली.
उत्तर गोवा जिल्हा पंचायत अध्यक्षपदासाठी कार्तिक कुडणेकर तर दक्षिण गोवा जिल्हा पंचायत अध्यक्षपदासाठी सुवर्णा तेंडुलकर यांचे नाव भाजपने निश्चित केलं होतं. पक्षीय पातळीवर ही निवडणूक झाली होती. भाजपने दोन्ही जिल्हा पंचायत निवडणुकांमध्ये निर्विवाद बहुमत मिळवले आहे. प्रदेशाध्यक्ष सदानंद शेट तानावडे यांनी दिलेल्या माहितीनुसार उत्तर गोवा जिल्हा पंचायत उपाध्यक्ष पदासाठी दीक्षा कांदोळकर तर दक्षिण गोवा जिल्हा पंचायत उपाध्यक्ष पदासाठी खुशाली वेळीप यांचं नाव पक्षाने निश्चित केले होतं. जिल्हा पंचायत सदस्य, गाभा समिती आणि नेत्यांशी चर्चा केल्यानंतर ही नाव निश्चिती करण्यात आली आहे.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.