Konkan Railways Train Schedule : ओव्हरहेड वायर तुटल्याने कोकणकन्या रखडली; कोकण रेल्वेचं नवं वेळापत्रक

दिवाणखवटी ते विन्हेरे स्टेशनदरम्यान ओव्हरहेड वायर तुटल्याने कोकणकन्या एक्स्प्रेस वीर स्टेशनवर थांबली होती.
Konkan Railways Train Schedule
Konkan Railways Train ScheduleDainik Gomantak

कोकणकन्या एक्स्प्रेसच्या इंजिनात गुरुवारी रात्री रत्नागिरीजवळ असलेल्या वीर स्टेशनवर झालेल्या तांत्रिक बिघाडामुळे कोकण रेल्वेचं वेळापत्रक मात्र कोलमडलं आहे. दिवाणखवटी ते विन्हेरे स्टेशनदरम्यान ओव्हरहेड वायर तुटल्याने कोकणकन्या एक्स्प्रेस वीर स्टेशनवर थांबली होती. सिंगल ट्रॅकमुळे दोन्ही बाजूंना कोकण रेल्वे मार्गावर सर्वच गाड्यांचं वेळापत्रक मात्र यामुळे बिघडलं. मडगावहून मुंबईच्या दिशेने जाताना कोकणकन्या रखडल्याने प्रवाशांचा चांगलाच खोळंबा झाला.

सुमारे 5 तासांनंतर कोकणकन्या मुंबईच्या दिशेने मार्गस्थ झाली. मात्र कोकण रेल्वेचं वेळापत्रक मात्र अजूनही रुळावर आलेलं नाही. कोकणकन्या उशिराने मुंबईत पोहोचल्यामुळे सकाळी सीएसएमटीवरुन मडगावसाठी निघणारी मांडवी एक्स्प्रेसही उशिराने सोडण्यात आली. कोकणकन्या मुंबईत पोहोचल्यावर तीच मांडवी एक्स्प्रेस म्हणून माघारी फिरते. मांडवीसोबतच कोकण रेल्वेमार्गावरील बाकी रेल्वेगाड्याही उशिराने धावत आहेत. त्यामुळे प्रवासी मात्र वेगवेगळ्या स्टेशनवर खोळंबल्याचं चित्र आहे.

Konkan Railways Train Schedule
Govt Job In Goa: गोव्यात सरकारी नोकरीची संधी, मोपा विमानतळावर मेगाभरती

बिघाड दुरुस्त झाल्यानंतर अजूनही कोकण रेल्वे मार्गावरील वाहतूक उशिरानेच सुरु आहे. मुंबईच्या दिशेने प्रवास करणाऱ्या प्रवाशांना मात्र यामुळे मनस्ताप सहन करावा लागला. मुंबईच्या दिशेने जाणारी कोकणकन्या, तसंच मुंबईहून गोव्याच्या दिशेने येणारी कोकणकन्या, दादर-सावंतवाडी तुतारी एक्स्प्रेस, मुंबई मंगळुरु मंगलोर एक्स्प्रेस, एलटीटी-मडगाव एक्स्प्रेस अशा अनेक रेल्वे गाड्यांचं वेळापत्रक यामुळे कोलमडलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com