अमेरीकास्थित गोवेकराने कोकणीला नेले गुगलवर

अभिनंदनांचा वर्षाव : केपे येथील संजीत हेगडे देसाई यांनी दिला गुगलला प्रस्ताव
अमेरीकास्थित गोवेकराने कोकणीला नेले गुगलवर
Sanjeet Hegde DesaiDainik Gomantak

मडगाव : गुगलवरील अनुवाद सेवेत कोकणी उपलब्ध होण्याचे स्वप्न अखेर साकारले आहे. मात्र त्याचे सर्वाधिक श्रेय जाते ते गुगलमध्ये वरच्या हुद्द्यावर काम करणारे केपे येथील भूमीपुत्र संजीत हेगडे देसाई यांना. त्यांनीच कोकणीचा हा प्रस्ताव गुगलच्या व्यवस्थापन मंडळासमोर ठेवला होता. जो आज प्रत्यक्षात आला. यामुळे गोव्यातून त्यांच्यावर अभिनंदनाचा वर्षाव होत आहे.(Sanjeet Hegde Desai Konkani added to Google translate)

Sanjeet Hegde Desai
पैंगीण बेताळ देवस्थानात जागोर उत्सव

केपे येथील प्रसिद्ध अशा हेगडे देसाई घराण्यातील संजीत हे 'भारतकार' गोविंद पुंडलीक हेगडे देसाई यांचे नातू असून ते व्यवसाया निमित्त अमेरिकेत स्थाईक झाले आहेत. 2013 मध्ये गुगलमध्ये सामील होण्यापूर्वी ते ओर्कल व एसेंच्यर मध्ये होते.

ते म्हणतात, कोकणी गुगलवर आणण्याच्या प्रत्यक्षात या कल्पनेला चालना मिळाली ती 2019 मध्ये त्यांचे मित्र चेतन आचार्य हे कोकणी भाषा मंडळाचे अध्यक्ष असताना. त्यांनीच कोकणीचा हा प्रस्ताव पुढे नेण्यासाठी हेगडे देसाई यांच्याशी संपर्क साधला असे सांगितले जाते.

Sanjeet Hegde Desai
गोवा शिपयार्डमध्ये नोकऱ्या मिळाव्यात!

स्वतः आचार्य यांनीही त्याला दुजोरा दिला आहे. ते म्हणाले की देसाई हे आपले जवळचे मित्र होते त्यामुळे आपणाला ते करणे सोपे गेले. कोकणीला सतत गौण लेखणाऱ्यांना हा चांगला धडा आहे. पण आम्ही त्याकडे दुर्लक्ष तर केलेच पण सतत आपल्या कामावर निष्ठेवर लक्ष केंद्रीत केले. कोकणीला गुगलवर स्थान मिळाल्याने अनुवादकांना , भाषा अभ्यासकांना तसेच सर्वसामान्यांना फार मोठी मदत होईल असे आचार्य म्हणाले. आता मोबाईल प्रत्येक हातात दिसू लागला आहे व त्यामुळे कोकणीही प्रत्येकाकडे पोहोचेल व तीच कोकणीची मोठी सिध्दी असेल अशी खात्रीही त्यांनी व्यक्त केली.

स्वतः हेगडे देसाई यांनी या बाबत बोलताना सांगितले की गुगलवर अनुवादासाठी कोकणी उपलब्ध होणे हाच मुळी रोमांचक अनुभव आहे. या संदर्भात विनंती आल्यानंतर साधारण वर्षभर ही प्रक्रिया चालली होती. ही कल्पना पूर्णत्वास आणण्यात गुगलच्या साँफ्टवेअर अभियंत्यांच्या एका टीमचे मोठे योगदान आहे असे ते म्हणाले.

गुगल ट्रान्सलेटमध्ये 8 भारतीय भाषांचा समावेश

गुगल ट्रान्सलेटमध्ये आता कोंकणी भाषेचाही समावेश झाला आहे. याशिवाय 24 नव्या भाषांचा समावेश झाल्याची माहिती गुगलने दिली. यामध्ये 8 भारतीय भाषा आहेत.

आसामी, भोजपुरी, संस्कृत, डोंगरी, मैथिली, मणिपुरी आणि मिझो या भाषाही ट्रान्सलेटमध्ये असतील. मध्यभारतात जवळपास 20 लाख लोक कोंकणी भाषेचा वापर करतात. त्यामुळे गुगलने कोंकणी भाषेचा समावेश केलेला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.