Kotrachi River: ठाणे सत्तरी तील कोत्राची नदीला पूर
Ganesh Visarjan Place near the flooded Kotrachi river, on Thursday, 22 July, 2021 Dashrath Morajkar / Gomantak

Kotrachi River: ठाणे सत्तरी तील कोत्राची नदीला पूर

गणपती विसर्जन निवाऱ्याची (Ganesh Visarjan Place) कोसळलेली संरक्षक भिंत पुन्हा बांधून देण्याची मागणी (Demand from locals)

ठाणे सत्तरी (Thane Sattari) येथून वाहणाऱ्या कोत्राची नदीला (Kotrachi River) पूर आल्याने नदीचे पाणी शेती बागायतीतून वाहू लागले आहे. चोर्ला घाटातील (Chorla Ghat) सुर्ला भागातून उगम पावणारी ही नदी गोळावली, ठाणेतून मासोर्डे येथे म्हादई नदीला(Mhadei River) मिळते. सध्या दिवसभर संपूर्ण गोव्यात (Goa) मुसळधार पाऊस पडत असल्याने (Rainy Season in Goa) या कोत्राची म्हणजेच वेळूस नदीला (River Velus) पूर आला आहे. पुराचे पाणी नदी किनारी भागातील शेतीबागायतीतून आणि सकल भागांतून वाहू लागल्याने बागायतीचे फार मोठे नुकसान झाल्याचे स्थानिक शेतकऱ्यांचे (Farmers of Sattari - Goa) म्हणणे आहे.

Ganesh Visarjan Place near the flooded Kotrachi river, on Thursday, 22 July, 2021
Goa: घोटेली गाव पुराच्या छायेखाली, वाळवंटी नदी धोक्याच्या पातळीवर

या नदी किनारी ठाणे - देसाई वाडा( desai wada thane ) येथे असलेला गणपती विसर्जन निवारा या पुराच्या पाण्याखाली गेला आहे. नदीचे पाणी या परिसरात पूर्णपणे भरल्याने येथे असलेला कच्चा रस्ता ही पाण्याखाली गेला. हा गणपती विसर्जन निवारा नदीच्या तीरावर असून निवाऱ्याचा ठिकाणची संरक्षक भिंत ही दोन वर्षांपूर्वी पावसाच्या पाण्याने कोसळल्याने पुराचे पाणी निवाऱ्यात शिरले आहे. त्यामुळे तशीच संरक्षक भिंत पुन्हा बांधण्याची मागणी स्थानिकांकडून केली जात आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com