...म्‍हणून आंदोलन स्‍थगित: कृष्णा साळकर

मुख्‍यमंत्री करणार गोवा शिपयार्डशी चर्चा
...म्‍हणून आंदोलन स्‍थगित: कृष्णा साळकर
MLA Krishna SalkarDainik Gomantak

वास्को: येथील गोवा शिपयार्डच्या व्यवस्थापनाशी मुख्यमंत्री डॉ. प्रमोद सावंत येत्या 18 किंवा 19 तारखेला चर्चा करून नोकरीभरतीबाबत माहिती जाणून घेणार आहेत. त्यामुळे रस्त्यावर उतरून आंदोलन करण्‍याचा निर्णय आम्‍ही मागे घेतला आहे. आम्हाला पूर्णपणे खात्री आहे की मुख्यमंत्री यासंदर्भात योग्य तोडगा काढतील, असा आशावाद वास्कोचे आमदार कृष्णा साळकर यांनी व्‍यक्त केला.

ब्रह्मस्थळ-जुन्ता वसाहतीलगतच्या नाल्यातील गाळ उपसा करण्याच्या कामाचा शुभारंभ केल्‍यानंतर साळकर बोलत होते. यावेळी नगरसेवक दीपक नाईक, माजी नगराध्यक्ष कुयेल्हो व इतर मान्‍यवर उपस्थित होते. साळकर म्‍हणाले की, पावसाळ्यात पाण्याचा निचरा योग्य प्रकारे व्हावा यासाठी आम्ही प्रयत्नशील आहोत. मुरगाव पालिकेने यापूर्वीच मान्सूनपूर्व कामांना आरंभ केला आहे. त्यामुळे पावसाळ्यात पाणी तुंबण्याची जी भीती विरोधकांकडून व्यक्त केली जात आहे, ती निरर्थक आहे. आम्ही विकासकामांनाही वेग दिला आहे. त्यामुळे येणाऱ्या दिवसांमध्ये लोकांना कामे दिसतील.

MLA Krishna Salkar
डिचोलीत नाल्यातील गाळ उपसण्याचे काम सुरू...

परप्रांतीयांना मिळते नोकऱ्यांमध्‍ये झुकते माप

गोवा शिपयार्डने स्थानिकांना नोकऱ्यांमध्ये प्राधान्य देण्याची गरज आहे. परंतु तसे होत नसल्याचे दिसून येत आहे. येथे केंद्र सरकारचा सार्वजनिक उपक्रम असलेल्या गोवा शिपयार्ड, एमपीटी अशा सात यंत्रणा आहेत. परंतु तेथे स्थानिकांना नोकऱ्या मिळत नाहीत. यासाठी राज्य सरकारने योग्य धोरण तयार करण्याची गरज आहे असे आम्‍ही निवडणुकीपूर्वी स्पष्ट केले होते. सरकारमध्ये असल्याने यासंबंधी मुख्यमंत्री डॉ. सावंत यांच्यासमोर हा प्रश्न नेला. त्यांनी आंदोलन करू नका, असे सांगितले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.