Mapusa: कुचेली कोमुनिदादने चार बेकायदेशीर घरे पाडली!

पीडितांच्या म्हणण्यानुसार कोमुनिदादने कुठलीही पूर्वकल्पना न देताच घरे मोडल्याने आम्ही बेघर झालो.
Illegal houses demolished!
Illegal houses demolished!Dainik Gomantak

कुचेली कोमुनिदाद जागेत बांधलेली चार बेकायदेशीर घरांवर स्थानिक कोमुनिदादने गुरुवारी कारवाई करीत ही घरे पाडली. दरम्यान, या पीडितांच्या म्हणण्यानुसार कोमुनिदादने कुठलीही पूर्वकल्पना न देताच घरे मोडल्याने आम्ही बेघर झाल्याचा दावा त्यांनी केला.

यासंदर्भात कुचेली कोमुनिदादचे अध्यक्ष मायकल कारास्को म्हणाले की, आम्ही बेकायदेशीरपणे बांधली जात असलेली घरे पाडली. कायदेशीर सोपस्कार पूर्ण करून घरे बांधली पाहिजेत, मात्र तसे न करता परस्पर बांधकाम सुरू होते. या संबंधितांना बांधकाम थांबविण्याचे सांगितले होते, तरीही त्यांनी काम सुरूच ठेवले होते. त्यामुळेच ही घरे पाडण्यात आली. यातील तीन घरांचे बांधकाम सुरू होते, तर एका घरात लोक वास्तव्यास होते.

Illegal houses demolished!
Babush Monserrate विरुद्धची बलात्कार खटला सुनावणी ३ फेब्रुवारीपर्यंत तहकूब

पीडित रहिवाशांनी दावा केला की, ते कोमुनिदादला शुल्क देतात. असे असूनही कोणतीही सूचना न देता बांधकाम पाडण्याचे काम हाती घेतल्याने त्यांनी संताप व्यक्त केला. सध्या कोमुनिदाद समितीत बदल झाल्यानेच या नवीन सदस्यांनी कारवाई केल्याचा आरोप त्यांनी केला.

Illegal houses demolished!
Mahadayi River: ...तर चाळीसही आमदारांनी घरी बसावे-प्रताप गावस यांचा इशारा

मायकल कारास्को म्हणाले की, स्थलांतरित बेकायदेशीरपणे कोमुनिदादच्या मालमत्तेवर बेकायदेशीरपणे अतिक्रमण करताहेत आणि स्थानिक लोक कारवाई करत नसल्याबद्दल कोमुनिदादला दोष देतात. त्यामुळे आम्ही कारवाई केली. आणि सदर अतिक्रमण कारवाई करताना नोटीस देण्याची गरज नसल्याचे ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com