Kulem: कुळे बाजारात पंचायत इमारतीमध्ये असलेल्या दुकानमालकांनी पदपथ अडवल्याने दूधसागर धबधबा पाहण्यासाठी येणाऱ्या पर्यटकांना रस्त्यावरून चालावे लागते. त्यामुळे रस्त्यावर गर्दी होऊन वाहतुकीची कोंडी होत आहे. शिवाय अपघाताची शक्यताही नाकारता येत नाही.
सरपंच गोविंद शिगावकर यांनी याची दखल घेऊन पदपथ अडवणाऱ्यांवर कारवाई करावी, अशी मागणी कुळेवासीयांनी केली आहे.
कुळे-शिगाव पंचायतीची मोठी इमारत आहे. तेथे अनेक दुकाने आहेत. दूधसागर टॅक्सी स्टॅण्डसुद्धा याच इमारतीत येत असल्याने पर्यटक नावनोंदणी करण्यासाठी येथे उभे राहातात. ती लांबलचक रांग रस्त्यापर्यंत पोहोचते. त्यामुळे वाहनांना त्याचा अडथळा होतो.
दुकानमालकाकडून पर्यटकांना अरेरावी
पर्यटक जेव्हा दुकानासमोर उभे राहतात, तेव्हा दुकानमालकांकडून त्यांना अरेरावी करतात. हा प्रकार असाच सुरू राहिला तर पर्यटन व्यवसायावर वाईट परिणाम होण्याची शक्यता आहे. कुळे दूधसागर असोसिएशनने पर्यटकांसाठी शेड उभारावी, अशी मागणी स्थानिकांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
