केपे भागात मुसळधार पाऊस; कुशावती नदीला पूर

केपे ते मडगाव मुख्य रस्ता पाण्याखाली गेल्याने वाहतूक चांदरमार्गे वळवली आहे.
Kushavati River Flood
Kushavati River FloodDainik Gomantak

केपे : पावसाने कालपासून जोर धरल्याने राज्यात बऱ्याच ठिकाणी पाणी भरण्याचे प्रकार वाढले आहेत. दक्षिण गोव्यातही मुसळधार पावसाने दाणादाण उडाली असून दरवर्षीप्रमाणे गुडी पारोडा रस्ता पाण्याखाली गेला आहे. पारोडा येथील पुलावरून पाणी वाहू लागल्याने वाहतूक बंद झाली आहे.

केपे ते मडगाव हा मुख्य रस्ता पर्वत पारोडा येथे पाण्याखाली गेल्याने या रस्त्यावरील संपूर्ण वाहतूक चांदर मार्गे वळविण्यात आली आहे. आज मंगळवारी सकाळी 11 वाजता पारोडा येथे रस्ता पाण्याखाली गेला, तसेच पारोडा येथील कुशावती नदीवरील पूलही पाण्याखाली गेल्याने तो रहदारीसाठी बंद करण्यात आला आहे.

Kushavati River Flood
प्रवाहात अडकलेल्या तरुणाला सुखरुप बाहेर काढलं

अवेडे, कोथंबी गावांना जोडणारा हा पूल दरवर्षी पावसाळ्यात पाण्याखाली जातो. पण अद्याप यावर कोणताच तोडगा न काढल्याने लोकांनी नाराजी व्यक्त केली आहे. राज्यभर नवीन पूल तसेच रस्त्यांची कामे चालू असून सरकारने कुशावती नदीवरी नवीन पुलाचे काम हाती घेऊन लोकांची समस्या दूर करावी अशी लोकांनी मागणी केली आहे.

दुसरीकडे कुशावती नदीच्या प्रवाहात अडकलेल्या एकाला सुखरुप बाहेर काढण्यात अग्निशमन दलाला यश आलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com