मडगावातही भरतो कामगारांचा ‘बाजार’!

भल्‍या सकाळी वर्दळ : वाहतुकीच्‍या कोंडीसह अनेक समस्‍या; व्‍यापारी नाराज
मडगावातही भरतो कामगारांचा ‘बाजार’!
labor market also fills up in MargaoDainik Gomantak

मडगाव: रोजगारासाठी मडगाव नगरपालिका इमारतीमागे रोज सकाळी शेकडोंच्या संख्येने परप्रांतीय कामगार जमतात. त्यामुळे त्या रस्त्यावर वाहतुकीत व्यत्यय तर येतोच पण त्या भागातील व्यापारी व इतरांना अनेक समस्यांना तोंड द्यावे लागते. या लोकांच्‍या म्हणण्याप्रमाणे हे परप्रांतीय कामगार सकाळी साडेसहा वाजल्‍यापासून तेथे जमू लागतात.

(labor market also fills up in Margao)

labor market also fills up in Margao
फोंड्यात वाहतूक व्यवस्थेचे तीन-तेरा

सकाळी नऊ ते साडेनऊपर्यंत त्‍यांचा तेथेच मुक्काम असतो. या वेळेत ते पान वा गुटखा चघळून तेथेच थुंकत असतात. कोणी वाहन घेऊन आला तर काम मिळेल म्हणून घोळक्याने धावतात व त्यामुळे अन्य वाहनचालकांची पंचाईत होते.
तेवढ्याने भागत नाही या लोकांना नाश्ता वा कामावर नेण्यासाठी तयार जेवण पुरविणारेही तेथे हजेरी लावू लागल्याने सकाळच्या वेळी तेथील एकंदर परिस्थिती किळसवाणी असते अशा व्यापारी वर्गाच्या तक्रारी आहेत.

सकाळीच उघडतात मद्यालये
गोष्टी तेवढ्यावर थांबत नाही, काहींना दारुशिवाय काम करता येत नाही हे हेरुन मडगाव भागातील बार-ताव्हेर्न आता सकाळीच खुले होऊ लागले आहेत. ही एक नवीन समस्या उभी ठाकली आहे. पूर्वी म्हणजे कोरोनाच्‍या काळात लॉकडाऊनपूर्वी या लोकांचा असाच त्रास होऊ लागल्यानंतर पोलिसांनी कारवाई करून कामगारांना तेथे थांबण्यास अटकाव केला होता. तशी कारवाई पुन्हा करण्याची वेळ आली आहे अशी मागणी होत आहे.

कामगारांची पडताळणी व्‍हावी
सरकारने भाडेकरूंसाठी पडताळणी व ओळखपत्र सक्तीचे कले आहे. तशी सक्ती या कामगारांना असावी. एवढ्या मोठ्या संख्येतील हे लोक येतात कुठून, रहातात कुठे, त्यांची पार्श्वभूमी काय हे पडताळण्याची गरज व्यक्त केली जात आहे. रोजगारासाठी त्यांनी येणे वा जाणे याला कोणाचा विरोध नाही. पण त्यातून तयार होत असलेल्या समस्या असह्य असल्याचे व्यापाऱ्यांचे म्हणणे आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com