शिरगावच्या लईराई देवीचा गुरुवारी जत्रोत्सव

गावोगावी मंगलमय वातावरण; धोंड भक्तगणांच्या ‘सोवळ्या’ व्रतास सुरुवात
शिरगावच्या लईराई देवीचा गुरुवारी जत्रोत्सव
Dhond for Lairai Jatra Shirgaon GoaDainik Gomantak

डिचोली : शिरगावच्या श्री लईराई देवीच्या जत्रोत्सवाच्या पार्श्वभूमीवर धोंड भक्तगणांच्या सोवळ्या व्रतास प्रारंभ झाला आहे. डिचोली तालुक्यातील बहुतेक गावोगावी धोंड भक्तगण कडकपणे व्रत पाळताना दिसून येत आहेत. शिरगावच्या श्री लईराई देवीचा प्रसिद्ध जत्रोत्सव यंदा येत्या गुरुवारी 5 मे रोजी होणार आहे. (Lairai Jatra Shirgaon Goa News Updates)

Dhond for Lairai Jatra Shirgaon Goa
चोडण बेटावर दिवसाआड पाणीपुरवठा; लोकांचे हाल

कोरोना महामारीमुळे गेली दोन वर्षे जत्रोत्सव आणि धोंड भक्तगणांच्या सोवळ्या व्रतावर निर्बंध आले होते. यंदा जत्रोत्सव परंपरेप्रमाणे उत्साहात साजरा करण्याचा निर्णय देवस्थान समितीने घेतला आहे. त्यामुळे धोंड भक्तगणांनी परंपरेप्रमाणे कडक व्रत पाळण्यास सुरुवात केली असून त्यांच्यात उत्साह दिसून येत आहे. लहान थोरांसह नवीन धोंड भक्तगण व्रत पाळत आहेत. काही ठिकाणी महिला धोंडही आहेत. धोंड भक्तगणांच्या व्रतामुळे गावोगावी मंगलमय वातावरण पसरले आहे. श्री लईराई देवीचे गावोगावी धोंड भक्तगण विखुरलेले आहेत.

Dhond for Lairai Jatra Shirgaon Goa
गोव्यातील उच्चशिक्षित तरुणाची दूग्धव्यवसायातून बक्कळ कमाई

डिचोली तालुक्यातील म्हावळींगे, कुडचिरे, कारापूर, सर्वण, मये, हातुर्ली, नार्वे आदी बहुतेक भागात देवीचे धोंड भक्तगण आहेत. मंदिर वा नैसर्गिक तलाव आदी पवित्र ठिकाणी एकत्रित येऊन धोंड भक्तगणांच्या व्रताला सुरुवात होते. व्रतस्थ काळात धोंड भक्तगण स्नान करून ओले राहूनच ‘श्री लईराई माता की जय’ असा जयघोष करून आहार घेतात. जत्रेच्या आदल्या रात्री व्रतस्थ ठिकाणी ‘व्हडले जेवणा’चा कार्यक्रम होतो. यंदा बुधवारी ‘व्हडले जेवण’ होणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.