Nilesh Cabral: सार्वजनिक बांधकाम खात्याने पाणी बिलाची थकबाकीची रक्कम भरण्यासाठी वन टाईम सेटलमेंट (ओटीएस) योजना सुरू केली होती. या योजनेची वाढवलेली एक महिन्याची मुदत 28 फेब्रुवारीला संपली.
दरम्यान, ओटीएस योजनेला चांगला प्रतिसाद लाभला. तसेच अखेरच्या दिवसांत अनेकांनी या योजनेतून बिले भरल्याने सर्व्हर डाऊनची समस्या उद्भवली होती. अद्यापही अनेक थकबाकीदारांची बिले भरावयाची आहेत.
त्यामुळे आता या योजनेची मुदत आणखी वाढविण्यात आली आहे. सार्वजनिक बांधकाम मंत्री निलेश काब्राल यांनी ही माहिती दिली.
निलेश काब्राल म्हणाले की, पाणी बिल थकबाकीदारांसाठीच्या वन टाईम सेटलमेंट योजनेला 16 मार्चपर्यंत मुदतवाढ देण्याचा निर्णय घेण्यात आला आहे. यानंतर या पुन्हा मुदतवाढ दिली जाणार नाही. याउपरही जर कुणी थकबाकी भरली नाही, तर त्यांच्यावर कारवाई केली जाईल.
दरम्यान, फेब्रुवारी अखेरीस अनेकांकडून बिल भरले जात असल्याने सर्व्हरमध्ये बिघाड की इतर कारणांमुळे बिल भरण्यात अडचणी येत होत्या. लोकांच्या अडचणी वाढत असल्याने त्या सोडविण्यासाठी ‘सांबाखा’ने अधिक कर्मचारी त्यासाठी जुंपल्याची माहिती कार्यकारी अभियंता उत्तम पार्सेकर यांनी दिली होती.
जानेवारीत ही योजना सुरू झाली होती, त्यानंतर फेब्रुवारीपर्यंत या योजनेची मुदत वाढविली होती. आणि आता 16 मार्चपर्यंत मुदतवाढ दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
