पणजी: भारताचा माजी ज्युनियर आंतरराष्ट्रीय आघाडीपटू उत्तम राय पुन्हा एकदा धेंपो स्पोर्टस क्लब संघात दाखल झाला आहे. गोवा प्रोफेशनल लीग फुटबॉल स्पर्धेसाठी माजी आय-लीग विजेत्या संघाने त्याला करारबद्ध केल्याचे जाहीर केले.
सिक्कीममध्ये जन्मलेला उत्तम यापूर्वी 2014 मध्ये धेंपो क्लबकडून खेळला होता. कोलकात्यातील मोहन बागान, चेन्नईयीन एफसी, गोव्याचा चर्चिल ब्रदर्स या प्रमुख संघातर्फे खेळल्यानंतर तो पुन्हा `द ईगल्स` संघात रुजू झाला आहे. आंतरराष्ट्रीय पातळीवर उत्तमने भारताच्या 19 वर्षांखालील संघाचे प्रतिनिधित्व केले असून इंडियन सुपर लीग (आयएसएल) व आय-लीग स्पर्धेत खेळण्याचा अनुभव त्याच्या गाठीशी आहे. मोसमात तो धेंपो क्लबच्या 24 क्रमांकाच्या जर्सीत खेळताना दिसेल.
``फार मोठा इतिहास असलेल्या धेंपो क्लबमध्ये रुजू होताना उत्साहित आहे. सर्वोत्तम कामगिरीसाठी सज्ज असून क्लबला गोव्यात चँपियन बनविण्यासाठी वैयक्तिक उत्कृष्ट कामगिरीसाठी प्रयत्न असतील,`` असे उत्तम याने नमूद केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.