Goa News: नार्वे येथे बिबट्याच्या बछड्याची सुखरूप सुटका

वन खात्याकडून सुटका करण्यात आलेला दोन महिन्याचा आणि बछडा चुकून अडकला असावा, असा अंदाज आहे.
Goa News|Leopard
Goa News|LeopardDainik Gomantak

Goa News: डिचोलीतील नार्वे गावात भर लोकवस्तीपासून जवळच अडकलेल्या बिबट्याच्या बछड्याची सुखरूप सुटका करण्यात आली असून, या बछड्याला वन खात्याने ताब्यात घेतले आहे. सुटका करण्यात आलेला दोन महिन्याचा आणि बछडा चुकून अडकला असावा, असा अंदाज आहे. भांबावलेला हा बछडा काहीसा कमजोर होता.

नार्वे येथील मर्मवाडा परिसरात एका चिरेखाणीच्या परिसरात बिबट्याचा बछडा अडकून पडल्याचे आज (शुक्रवारी) सायंकाळी निदर्शनास आले. लागलीच तेथील उल्हास पडोलकर यांनी ऍनिमल रेस्क्यू स्कॉडचे अमृत सिंग यांच्याशी संपर्क साधला. अमृत सिंग यांनी दुर्गेश सिंग आणि अक्षता सिंग यांच्यासह घटनास्थळी धाव घेतली.

Goa News|Leopard
Goa Agriculture: धारबांदोड्यातून होणार मधक्रांतीला सुरवात

यासंबंधी केरी येथील क्षेत्रीय वन कार्यालयाला कळवताच वन खात्याचे पथक घटनास्थळी दाखल झाले. ॲनिमल रेस्क्यू स्कॉडच्या सहकार्याने बिबट्याच्या बछड्याला पकडल्यानंतर वन खात्याने त्याला ताब्यात घेतले.

दरम्यान, बछडा आढळल्याने नार्वे भागात बिबट्याचा संचार असल्याचा अंदाज व्यक्त होत आहे. बिबट्याच्या बछड्याला ताब्यात घेतल्यानंतर डिचोलीतील डॉ.सिद्धी खांबल यांच्या पशुचिकित्सा दवाखान्यात प्राथमिक उपचार करण्यात आले. बछड्याची प्रकृती स्थिर असल्याचे समजते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com