Goa Panchayat Election : पंचायत निवडणुकीच्या मतदानास सुरुवात झाली असून, डिचोली तालुक्यातील काही मतदान केंद्रावर सकाळी सुरवातीचा एक तास प्रतिसाद 'थंडा' असल्याचे दिसून आले. दुसऱ्या बाजूने आकाशात ढग दाटून असल्याने उमेदवारांची चिंता वाढली आहे. डिचोली तालुक्यातील 17 पंचायतींसाठी निवडणूक होत आहे. तालुक्यातील अडवलपाल, साळ, मेणकूरे-धुमासे, लाटंबार्से, मुळगाव, शिरगाव, पिळगाव, नार्वे, वन-म्हावळींगे, कारापूर-सर्वण,मये-वायंगिणी, आमोणे, कुडणे, न्हावेली, सूर्ल, वेळगे आणि पाळी-कोठंबी या पंचायतींसाठी निवडणुका होत आहेत.
50 हजार 824 मतदार
डिचोली तालुक्यातील सर्व पंचायतींत मिळून 82 मतदान केंद्रे स्थापन करण्यात आली आहेत. तर प्रत्येक मतदान केंद्रावर प्रत्येकी पाच याप्रमाणे 410 कर्मचारी नियुक्त करण्यात आले आहेत. तालुक्यात 22 हजार 436 पुरुष तर 28 हजार 388 महिला मतदार मिळून 50 हजार 824 मतदारांना मतदानाचा हक्क आहे.
राज्यातील 186 पंचायतींच्या 1464 प्रभागांसाठी बुधवारी सकाळी 8 ते सायंकाळ 5 पर्यंत मतदान होत आहे. यासाठी तब्बल 5 हजार 38 उमेदवार रिंगणात आहे. मतदानासाठी लागणारे सर्व साहित्य पोलिस बंदोबस्तात मतदान केंद्रावर पोहोचले आहे.
निवडणुकीत रिव्होल्युशनरी गोवन्स (आरजी), आप पुन्हा सक्रिय झाले असले भाजपने आपले मंत्री, आमदार आणि समर्थकांना सर्व प्रकारची रसद पुरवल्याची माहिती आहे. राजकीय पक्षांना स्थानिक नेटवर्क घट्ट करण्याचे ही आयती संधी आल्याने ते पुढे सरसावले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
