कळंगुटमधील हॉटेल प्रकल्पास दिलेला परवाना बेकायदेशीर

गावात धार्मिक तणाव; हॉटेल मान्यता रद्दची मागणी
License given to five star hotel project in Calangute is illegal
License given to five star hotel project in Calangute is illegalDainik Gomantak

शिवोली: गावरावाडा-कळंगुट (Calangute) येथील निर्माणाधिन पंचतारांकीत हॉटेल (Five star hotel) प्रकल्पाला स्थानिक पंचायत मंडळाकडून मासिक बैठकीत ठराव न घेताच परवाना देण्यात आल्याचा आरोप विरोधी गटातील पंच सदस्य गाब्रियल फर्नांडिस, तसेच महिला पंच सदस्य ज्योत्स्ना परुळेकर यांनी केला आहे. दरम्यान, गावरावाड्यातील स्थानिक ख्रिस्ती समाजाच्या धार्मिक भावनांची पर्वा न करता पुरातन कपेलकडे जाणारा रस्ता बेकायदा खोदून गावात तणाव निर्माण केल्याबद्दल येथील प्रकल्पाचा परवानाच तत्काळ रद्द करण्याची मागणी उभयंतांनी सरपंच शॉन मार्टीन्स तसेच पंचायत सचिवांकडे लेखी स्वरूपात केली आहे.

License given to five star hotel project in Calangute is illegal
Goa Tourist: गोव्याची दारे खुली न झाल्याने रशियन पर्यटक इजिप्तकडे वळण्याची भीती

कळंगुट पंचायत मंडळाकडून आतापर्यंत अनेक निर्णय मंडळाच्या मासिक बैठकीत सविस्तर विचारविनीमय न करताच तसेच विरोधी गटातील पंचायत सदस्यांना विश्वासात न घेताच घेतले जातात, असा आरोप फर्नांडिस तसेच परुळेकर यांच्याकडून करण्यात आला आहे. कळंगुट पंचायत मंडळाकडून 2017 ते 2018 पर्यत विरोधी गटातील सदस्यांकडून सादर करण्यात आलेल्या अनेक प्रस्तावांची विद्यमान पंचायत मंडळाकडून साधी दखलसुद्धा घेण्यात आली नसल्याचे तक्रारीत म्हटले आहे.

परवान्याच्या चौकशीची मागणी

गावरावाड्यातील पंचतारांकीत हॉटेल प्रकल्पाला देण्यात आलेला परवाना बेकायदा सिद्ध झाल्यास तो तत्काळ रद्द करून वरिष्ठ पातळीवरून या प्रकरणाची चौकशी करण्याची मागणी कळंगुट फोरमचे अध्यक्ष प्रेमानंद दीवकर यांनी केली आहे.

License given to five star hotel project in Calangute is illegal
Goa: सुवर्ण महोत्सवी वर्षानिमित्त हॉटेल 'ला-पाझ गार्डन'मध्ये गणेश चतुर्थी साजरी

गावरावाड्यातील पंचतारांकीत हॉटेल प्रकल्पाचा परवाना कुणा जैन नावाच्या बिल्डरला देण्यात आलेला असून हा परवाना नेमका कुणाच्या परवानगीने देण्यात आला ते स्पष्ट करावे, तसेच यासंबंधात पंचायत मंडळाच्या मासिक बैठकीत मंजूर करण्यात आलेला ठराव जनतेसमोर सादर करण्याचे आवाहन करण्यात आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com