Bicholim: वीजखांबावर दुरुस्तीचे काम करताना विजेचा ‘शॉक’ बसल्याने 45 वर्षीय लाईनमन मृत्युमुखी पडला. ही दुर्दैवी घटना काल बुधवारी सायंकाळी लामगाव-डिचोली येथे घडली. बाबू बाबलो गेळेकर असे मृत कर्मचाऱ्याचे नाव असून, तो नार्वे येथील रहिवासी होता.
बाबू खाली कोसळताच सहकारी कर्मचाऱ्यांनी त्यांना डिचोली सामाजिक आरोग्य केंद्रात आणले. मात्र तेथील डॉक्टरांनी त्याला मृत घोषित केले. याप्रकरणी डिचोली पोलिस उपनिरीक्षक अनिल पोळेकर पुढील तपास करीत आहेत.
सध्या पावसाळी वातावरण असून गोव्यालाही पावसाने झोडपले आहे.काल बुधवारी सायंकाळी लामगाव-डिचोली गावातील वीज तारांचे काम करीत असताना बाबू गेळेकर यांना वीजेचा जोरदार झटका लागून त्यांना आपला जीव गमावावा लागला आहे.
दरम्यान, बाबू वीजेचा झटका लागून अचानक खाली कोसळताच त्यांच्यासोबत असलेले सहकारी कर्मचाऱ्यांनी त्यांना तात्काळ सामाजिक आरोग्य केंद्रात नेले. ही बातमी गावात पसरताच आरोग्य केंद्रात नागरिकांनी एकच गर्दी केली होती. बाबू यांच्या घटनेने नार्वे परिसरात हळहळ व्यक्त केली जात आहे.
तसेच, काही महिण्याआधीच देखील अशी दुर्घटना कणकिरे येथे घडली होती.कर्मचारी संजय गांवकर यांचा वीज वाहिनी दुरुस्त करत असतांना मृत्यू झाला होता. विजेचा झटका लागल्याने त्यांचा जागीच मृत्यू झाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
