Goa Liquor Seized गोव्यातून महाराष्ट्रासह लगतच्या कर्नाटक राज्यात अवैधरित्या दारूची वाहतूक केली जाते. अबकारी अधिकार्‍यांच्या सतर्कतेने बऱ्याचदा चेकपोस्टवर अवैधरित्या दारू वाहतूक करणारी वाहने जप्त केली जातात.
नुकतीच अशीच एक घटना घडली असून बांदा पत्रादेवी चेकपोस्टवर शुक्रवारी सायंकाळच्या सुमारास तब्ब्ल 22 लाखांची दारू जप्त करण्यात आली आहे.
हा ट्रक चेकपोस्टवर तपासणी करीत थांबवला असता ड्रायव्हरने गाडीत बांधकामासाठी लागणारे ACC ब्लॉक असल्याचे सांगितले. मात्र पोलिसांना संशय आल्याने त्यांनी ड्रायव्हरला थोडा दम देताच त्यांनी गाडीत दारू असल्याचे मान्य केले.
पोलिसांनी मुद्देमाल ताब्यात घेतला असून गोवा बनावटीच्या या दारूची किंमत तब्बल 22 लाख एवढी आहे.
नुकत्याच कर्नाटकात निवडणुका पार पडल्या असून या निवडणुकांच्या वेळी मतदार दारू सारख्या प्रलोभनांना बळी पडू नयेत, निवडणूक मुक्त व निष्पक्ष व्हावी यासाठी चेकपोस्टवर सर्व वाहनांची कसून तपासणी करण्याचे निर्देश उत्पादन शुल्क आयुक्तांनी दिले होते.
निवडणुका संपल्या असल्या तरी पोलिसांकरवी अद्याप चेकपोस्टवर वाहनांची कसून तपासणी सुरूच असल्याचे यावेळी पोलिसांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
