Salcete: सिकेटी पुलाला स्थानिकांचा मोठा विरोध; बांधकाममंत्री मात्र निर्णायावर ठाम

सुधारणा होतील, बांधकाम रोखता येणार नाही असे निलेश काब्राल यांनी सांगितले.
Nilesh Cabral
Nilesh Cabral Dainik Gomantak

Salcete: वार्का-सिकेटी पुलाला जेव्हा 2007साली चर्चिल आलेमाव सार्वजनिक बांधकाममंत्री होते तेव्हा मान्यता देण्यात आली होती. त्यानंतर बांधकाम सुरू झाल्यावर ते बंद करण्यात आले होते. आता या पुलाच्या बांधकामाला परत एकदा सुरवात झाली आहे; पण याला स्थानिकांचा विरोध आहे. काही लोकांना हा पूल नको आहे, त्यामुळे वाद निर्माण झाला.

या पुलाची पाहणी करण्यासाठी काल सकाळी सार्वजनिक बांधकाममंत्री नीलेश काब्रालांसह नावेलीचे आमदार उल्हास तुयेकर, बाणावलीचे आमदार वेन्झी व्हिएगस, माजी आमदार आवेर्तान फुर्तादो व खात्याचे अधिकारी, स्थानिक मोठ्या संख्येने उपस्थित होते.

पाहणी केल्यावर मंत्री काब्राल यांनी सांगितले की, पुलासाठीच्या ज्या काही सुधारणा आहेत त्या करता येतील; पण पुलाचे बांधकाम रोखता येणार नाही. त्यासाठी मुख्यमंत्री, सरकारी पातळीवर निर्णय घेतला जाईल.

Nilesh Cabral
Purple Fest: पर्पल फेस्ट’मुळे पणजी दिव्यांगासाठी सुलभ

बाणावलीचे आमदार वेन्झी व्हिएगस म्हणाले की, पश्र्चिम बगल रस्ता झाल्याने व इतर रस्तेही तयार झाल्याने वार्का, बाणावली नावेलीला जोडले गेले आहेत. त्यामुळे या पुलाची आवश्यकता उरलेली नाही. शिवाय हा पूल झाल्याने वाहतुकीत शिस्त राहणार नाही. वाहने कुठल्याही मार्गाने धावतील व गावची शांतता भंग होईल. आमची मंत्र्यांना चार कोटी रुपये वाचविण्याची विनंती आहे.

आमदार उल्हास तुयेकर म्हणाले की, काही लोकांना हा पूल व्हावा असे वाटते; पण अधिकाधिक लोकांचा याला विरोध आहे. काही लोकांना या पुलाची आवश्‍यकता वाटत नाही. शिवाय या पुलाचे बांधकाम पुष्कळ वर्षांपूर्वी सुरू झाले होते. नंतर ते बंद का झाले हे आपल्याला माहीत नाही. तरीही लोकहिताचा विचार करून आपण लोकांबरोबर आहे.

धकामावर जवळ जवळ सहा कोटी रुपये खर्च करण्यात आले आहेत. शिवाय गेल्या वर्षी पूल पूर्ण करण्यासाठी आणखी 4 कोटी रुपये मंजूर केले असून कंत्राटदाराला कामाची ऑर्डरही दिली आहे. या पुलासाठी तसेच रस्ता रुंदीकरणासाठी जागा संपादन केली आहे. जर कुणाला जागा संपादनाची रक्कम मिळाली नसेल तर ती मिळवून देण्यासाठी आपण प्रयत्न करू. -नीलेश काब्राल, सार्वजनिक बांधकाममंत्री

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com