Disaster Management राज्यात आपत्ती कोसळलीच तर राष्ट्रीय आपत्ती कृती दलाचे जवान पोहोचण्यास वेळ लागतो.
अशा स्थितीत तत्काळ उपाययोजनांची स्थिती निर्माण झाल्यास त्यांना ती सेवा मिळावी, यासाठी स्थानिक जनतेला या मदतकार्यात सामावून घेऊन त्यांना प्रशिक्षण देण्याचा विचार केंद्रीय पातळीवर सुरू झाला आहे.
आपत्ती व्यवस्थापनावर केंद्र सरकारच्या वतीने आयोजित दोन दिवसीय परिषद पार पडली. महापालिकेचे महापौर रोहित मोन्सेरात, उपमहापौर संजीव नाईक आणि अभियंता असे तिघे दिल्लीला जाऊन आले.
त्याठिकाणच्या मार्गदर्शनपर कार्यशाळेत महापालिकेचे प्रतिनिधी म्हणून तिघांनी हजेरी लावली. विज्ञान भवनाच्या सभागृहातील मार्गदर्शनास पंतप्रधान नरेंद्र मोदी उपस्थित राहाणार आहेत.
यामध्ये आपत्ती व्यवस्थापनात अनेकवेळा एनडीआरएफच्या जवानांची वाट पाहिली जाते. त्यात बराच वेळ जातो. त्यामुळे स्थानिक लोकांना आपत्ती व्यवस्थापनात काय करायचे? मदत कशी पोहोचवायची, लोकांना कसे वाचवायचे, अशा बाबी शिकविल्या जाणार आहेत. त्यामुळे आपत्ती व्यवस्थापनात अनेकांना तत्काळ मदत मिळेल.
लोकांचे जीव वाचण्याबरोबर वित्तहानीही टाळली जाऊ शकते. अशा उपक्रमांमुळे आपत्ती काळात सरकारी यंत्रणेला स्थानिकांना सामावून घेता येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.