लोहिया मैदानावर होणार यंदाचा क्रांतिदिन?

नूतनीकरणाची धावपळ; प्रशासनाकडून मंडप उभारणी सुरू
लोहिया मैदानावर होणार यंदाचा क्रांतिदिन?
Lohia Ground Dainik Gomantak

मडगाव : क्रांतिदिनापूर्वी म्हणजे 18 जूनपूर्वी मडगाव येथील ऐतिहासिक लोहिया मैदानाचे नूतनीकरण पूर्ण करण्यासाठी सध्या संबंधितांची धावपळ सुरू आहे. पावसाने घेतलेली उसंत त्यांना सहाय्यक ठरलेली असली तरीही खरेच हे काम त्यापूर्वी पूर्ण होणार का, असा प्रश्न केला जात आहे.

एक गोष्ट खरी की नूतनीकरणाचे संपूर्ण काम होवो किवा नसो,यंदांचा क्रांतिदिन लोहिया मैदानावर साजरा होणार हे नक्की. त्यासाठी तेथे भव्य मंडप उभारणीचे काम सुरु झालेले आहे. शासकीय पातळीवरील या कार्यक्रमासाठी जिल्हास्तरावरील प्रशासकीय यंत्रणेने पावले उचलली आहेत.

Lohia Ground
मुरगावात रस्त्यावरच सांडपाणी; नागरिकांमध्ये नाराजी

सदर दिवशी सरकारतर्फे कोण उपस्थित राहणार ते जरी अजून जाहीर झालेले नसले तरी अन्य तयारी सुरू झालेली आहे. वर्षभरापूर्वी मैदानाच्या नूतनीकरणाच्या कामास सुरुवात झालेली असली तरी अनेक मुद्द्यावरून हे काम सुरुवातीपासून चर्चेत राहिले.

नंतर ते बाजूला राहिले पण नंतर लोहिया पुतळ्याच्या चौथऱ्याची कमी उंची, व्यासपीठावरील दरवाजा ,मैदानावरील ट्रान्सफॉर्मर केंद्र हे मुद्दे पुढे आणले गेले. त्यावर तोडगा काढताना चौथऱ्याची उंची वाढवून पुतळा बसवला गेला तसेच व्यासपीठावरील दरवाजा बंद केला गेला आहे.

सर्व काम ठरल्या वेळेत पूर्ण करुन मैदान नगरपालिकेच्या स्वाधीन केले जाईल असे ‘जी-सुडा’च्या सूत्रांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com