मडकईत गोव्याबाहेरील लोकांना रोजगार पण...

Goa: मडकई मतदारसंघातील समस्या अजूनही सुटलेल्या नाहीत.
Madkai
Madkai Dainik Gomantak

मडकई मतदारसंघातील समस्या अजूनही सुटलेल्या नाहीत. लोकांना प्रत्येक वेळी फोंडा आयडी किंवा बांबोळीतील इस्पितळात धाव घ्यावी लागत आहे. मडकईतील रस्त्यांची अतिशय दूर्दशा झाली असून रोजगाराचा कुठे पत्ताच नाही, अशा स्थितीत लोकांनी जगायचे तरी कसे, असा सवाल मडकईतील रेव्होल्युशनरी गोवन्सचे मडकई मतदारसंघातील उमेदवार तथा सामाजिक कार्यकर्ते प्रेमानंद गावडे यांनी केला आहे.

Madkai
Goa Update|कॅसिनो आणि ‘काळरात्र’; खरी कुजबूज

मडकईतील विविध समस्यांसंबंधी काल शनिवारी घेण्यात आलेल्या पत्रकार परिषदेला परेश कुंडईकर तसेच शशिकांत गावडे व इतर उपस्थित होते. गावडे यांनी सांगितले की, मतदारसंघात प्राथमिक आरोग्य केंद्र आहे, पण या ठिकाणी आवश्‍यक सुविधा नसल्याने प्रत्येक वेळी फोंड्यातील आयडी किंवा बांबोळीतील गोवा वैद्यकीय महाविद्यालयाच्या इस्पितळात जावे लागते.

मतदारसंघातील इतर ठिकाणची आरोग्य केंद्रांच्या वास्तूंची दयनीय अवस्था झाली आहे. मडकई मतदारसंघात कोणतीच विकासकामे झाली नसल्याने लोकांना वेठीस धरले जात असल्याचेही प्रेमानंद गावडे म्हणाले.

Madkai
Goa Latest Update| कॉंग्रेसचे माध्यम विभाग प्रमुख अमरनाथ पणजीकर यांचे भाजपवर आरोप..

मडकई मतदारसंघात असलेल्या एकमेव औद्योगिक वसाहतीत 85 टक्के गोव्याबाहेरील लोकांना रोजगार मिळाला आहे. केवळ पंधरा टक्के गोमंतकीय या औद्योगिक वसाहतीत काम करतात, पण त्यांच्या रोजगाराची पूर्णतः खात्री नाही. त्यामुळे या औद्योगिक वसाहतीत स्थानिकांना रोजगार देण्यासाठी सरकार पातळीवर प्रयत्न व्हायला हवेत, असेही गावडे म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com