Mahaday Water Dispute: म्हादईचा प्रश्न आज दिल्ली दरबारी मांडणार

म्हादई प्रश्नासंदर्भात गोव्याचे शिष्टमंडळ आज गृहमंत्री शहांची भेट घेणार आहे.
Mahadayi Water Dispute Discussion in Assembly Session
Mahadayi Water Dispute Discussion in Assembly Session Dainik Gomantak

Mahaday Water Dispute: कळसा आणि भांडुरा या म्हादईच्या उपनद्यांचे पाणी वळविण्यासाठी केंद्रीय जल आयोगाने कर्नाटकच्या सुधारित सविस्तर प्रकल्प आराखड्याला (डीपीआर) दिलेल्या मंजुरीनंतर गोव्यात जनप्रक्षोभ उसळला आहे.

या पार्श्वभूमीवर राज्य सरकारने आज गृहमंत्री अमित शहा यांची भेट घेण्याचे ठरवले असून मुख्यमंत्री डॉ. प्रमोद सावंत यांच्या नेतृत्वाखालील शिष्टमंडळ शहा यांची भेट घेणार आहे.

त्यावेळी कर्नाटकच्या डीपीआरला दिलेली मंजुरी मागे घ्यावी आणि तातडीने जल व्यवस्थापन प्राधिकरण स्थापन करावे, अशी मागणी करणार आहे.

विविध राजकीय पक्ष, सामाजिक संघटना, पर्यावरणवादी कार्यकर्ते रस्त्यावर उतरत आहेत. ‘आरजी’च्या नेतृत्वाखाली आंदोलनानंतर आता 16 जानेवारीला साखळीमध्ये भव्य जनआंदोलनाचा इशारा देण्यात आला आहे.

Mahadayi Water Dispute Discussion in Assembly Session
Goa Petrol-Diesel Price: गोव्यातील पेट्रोल- डिझेलच्या किमतीत बदल, जाणून घ्या आजचे दर

डीपीआर मागे घ्या

केंद्रीय गृहमंत्री अमित शहा यांना भेटून जल व्यवस्थापन प्राधिकरणाची स्थापना करावी आणि कर्नाटकच्या डीपीआरला दिलेली मंजुरी मागे घ्यावी, याकरता आज मुख्यमंत्री डॉ. प्रमोद सावंत आणि केंद्रीय पर्यटन राज्यमंत्री श्रीपाद नाईक यांच्या नेतृत्वाखाली शिष्टमंडळ दिल्लीला जाणार आहे.

यात सभापती रमेश तवडकर, जलस्रोत मंत्री सुभाष शिरोडकर, पर्यावरण मंत्री नीलेश काब्राल, वनमंत्री विश्वजीत राणे, ऊर्जामंत्री सुदिन ढवळीकर यांचा समावेश आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com