Mahadayi Water Issue: ‘सेव्ह म्हादई’चा ठराव केंद्रापर्यंत पोहोचवणार; राज्यपालांची ग्वाही

कर्नाटकचा सुधारीत ‘डीपीआर मागे घ्‍या’ मागणीची प्रत सादर
Mahadayi Water Issue
Mahadayi Water IssueDainik Gomantak

Mahadayi Water Dispute: कळसा-भांडुरा प्रकल्पाच्या सुधारित प्रकल्प आराखड्याला दिलेली मंजुरी तातडीने मागे घ्यावी, हा सेव्ह म्हादई चळवळीचा ठराव आज राज्यपाल पी. एस. श्रीधरन पिल्लई यांना सादर केला.

राज्यपालांनी चळवळीची भूमिका संबंधित खात्यांकडे पाठवली जाईल, असे म्हटले आहे, अशी माहिती सेव्ह म्हादई चळवळीच्या कार्यकर्त्यांनी दिली आहे.

केंद्रीय जल आयोगाने म्हादई संबंधीच्या कर्नाटकाच्या डीपीआरला दिलेल्या परवानगी नंतर राज्यात जनक्षोभ उसळलेला आहे. हा डीपीआर मागे घ्यावा यासाठी 16 जानेवारी रोजी सेव्ह म्हादई चळवळीची विर्डी - साखळी येथे जाहीर सभा झाली.

Mahadayi Water Issue
Malaria: ‘मलेरिया निर्मूलनात गोवा अग्रेसर’

या सभेत घेण्यात आलेला ‘सुधारित डीपीआर मंजुरी तातडीने मागे घ्यावी’ हा ठरावाची प्रत आज राज्यपाल पिल्लई यांना सादर करण्यात आली. यावेळी चळवळीचे समन्वयक ह्रदयनाथ शिरोडकर, प्रा.प्रजल साखरदांडे , महेश म्हाबंरे, दुर्गादास कामत, प्रशांत नाईक आणि इतर कार्यकर्ते उपस्थित होते.

राज्यपाल म्हणाले, चळवळीची भूमिका आणि घेतलेला ठराव संबंधित खात्यांकडे पाठवण्यात येईल. आपण राज्याचे आणि गोमंतकीय जनतेचे हित जपण्यासाठी प्रयत्न करणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com