Goa Congress: महिला प्रदेश काँग्रेसच्या संघटन बांधणीला प्रारंभ

Goa Congress: प्रदेश महिला काँग्रेसने संघटन बांधणी करत मतदारसंघनिहाय गट समित्या नेमण्यावर भर दिला आहे.
गोवा प्रदेश महिला कॉंग्रेसच्या अध्यक्ष बीना नाईक
गोवा प्रदेश महिला कॉंग्रेसच्या अध्यक्ष बीना नाईकDainik Gomantak

Goa Congress: विधानसभा निवडणुका झाल्यानंतर आता पाच महिन्यांचा कालावधी झाला आहे. विधानसभा निवडणुकीत काँग्रेस पक्षाला म्हणावे तसे यश प्राप्त झाले नाही. परंतु आता पक्षाने पुन्हा एकदा बांधणीला सुरुवात केली आहे. प्रदेश महिला काँग्रेसने संघटन बांधणी करत मतदारसंघनिहाय गट समित्या नेमण्यावर भर दिला आहे. शुक्रवारी प्रदेश महिला काँग्रेसच्या अध्यक्षा बिना नाईक यांनी पर्वरी, पणजी, कुडतरी या तीन मतदारसंघाच्या गट समिती अध्यक्ष-उपाध्यक्षांची निवड जाहीर केली.

गोवा प्रदेश महिला कॉंग्रेसच्या अध्यक्ष बीना नाईक
Sonali Phogat Case : भाजप महिला मोर्चा गप्प का?

अखिल भारतीय महिला काँग्रेसच्यावतीने नुकताच देशभरात स्त्री या पोर्टलद्वारे महिलांसाठी हेल्पलाईन क्रमांक जाहीर केला आहे. राज्यात प्रदेश महिला काँग्रेसने संघटनेवर भर दिला असून, कोरोना काळात प्रदेश महिला काँग्रेसच्या सदस्यांनी मदत वाटपाचेही काम केले. अलिकडे सध्या महागाईवर प्रदेश महिला काँग्रेस सतत आवाज उठवित आहे. पक्षाला विधानसभेत यश मिळाले नसले तरी काँग्रेस मजबूत करण्यात प्रदेश महिला काँग्रेसचा सहभाग निश्‍चित दखलपात्र राहणार असल्याने हा विभाग कामाला लागला आहे.

महिला गटसमिती

पणजी महिला गटसमिती अध्यक्षपदी लॅविना डिकॉस्ता यांची निवड करण्यात आली. उपाध्यक्षपदी शबनम आदम खान, पर्वरी गटसमिती अध्यक्षपदी सॅलेट मिरिंडा, उपाध्यक्षपदी कॅरोल रुझारिओ आणि कुडतरी गटसमिती अध्यक्षपदी ॲड. शेख शमशादबी इस्माईलसाब, उपाध्यक्षपदी ख्रिस्टियाना मास्कारेन्हास यांची निवड झाली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com