मारहाणप्रकरणी माल्कमचा अटकपूर्व जामीन अर्ज फेटाळला

पोलिसांनी तपासकाम प्राथमिक टप्प्यात असल्याचे तसेच काही पुरावे जमवायचे असल्याने अटकपूर्व जामीन अर्जाला विरोध केला होता.
मारहाणप्रकरणी माल्कमचा अटकपूर्व जामीन अर्ज फेटाळला
Court Dainik Gomantak

पणजी : रोहित महेश हिरेकुर्बार याला शिवीगाळ करण्याबरोबरच जबर मारहाण केल्याप्रकरणी सेंट लॉरेन्स -आगशी येथील माल्कम झेव्हियर पाल्हा (29 वर्षे) याने अटकपूर्व जामिनासाठी केलेला अर्ज अतिरिक्त सत्र न्यायालयाने फेटाळला.

Court
बनावट व्हॉट्‌सअप खात्यापासून सावध राहा!

संशयिताची वृत्ती अहंकारी असून जीवे मारण्याची धमकी देण्यामागील कारण पोलिसांना जाणून घेण्यासाठी त्याची पोलिस कोठडी आवश्‍यक असल्याचे निरीक्षण नोंदवल्याने न्यायालयाने त्याचा अर्ज फेटाळताना आहे.

माल्कमने 4 एप्रिल 2022 रोजी रोहित हिरेकुर्बर याच्या घरी जाऊन त्याला लाथाबुक्क्यांनी मारहाण करून जीवे मारण्याचीही धमकी दिली होती. यापूर्वीही संशयिताने रोहित सापडला नाही, म्हणून त्याच्या चुलतभावाला नाहक मारहाण केली होती.

Court
काँग्रेस सरकारला घेरण्‍यास सज्ज ; विधानसभेत लोकांशी निगडित विषय मांडणार

मारहाण करताना प्रत्यक्षदर्शी साक्षीदारांची साक्ष नोंदवण्यात आली आहे, त्यामध्ये महेंद्रनाथ रामनाथचंद्रा, शैलेश कुमार, बजरंग बिठा, आनंद महातो, दुर्गा महातो, शिवशंकर साहू, नरेंद्र कुमार व महेश हिरेकुर्बार यांचा समावेश आहे. संशयित घरी आला होता व त्याने जीवे मारण्याची धमकी दिल्याचे रोहितने जबानीत सांगितले आहे.

पोलिसांनी तपासकाम प्राथमिक टप्प्यात असल्याचे तसेच काही पुरावे जमवायचे असल्याने अटकपूर्व जामीन अर्जाला विरोध केला होता. मारहाणीची चित्रफित रोहितचे वडील महेश हिरेकुर्बार यांनी पोलिसांना तसेच न्यायालयात सादर केली. त्यात संशयित माल्कम पाल्हा हा उर्मटपणे शिविगाळ करून मारहाण करत असल्याचे दिसत आहे. चित्रफित पाहिल्यानंतर संशयिताचा अटकपूर्व जामीन अर्ज फेटाळण्यास ही माहिती पुरेशी आहे, असे न्यायालयाने आदेशात म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com