Illegal Hill Cutting : मांद्रे आम्रपाली येथील अवैध डोंगरकापणी सरपंचांनी रोखली

मांद्रे पंचायत क्षेत्रातील जुनसवाडा आम्रपाली परिसरात मोठ्या प्रमाणात बेकायदा डोंगर कापणी चालू असल्याची तक्रार स्थानिक पंचायतीकडे नागरिकांनी केली होती.
Illegal Hill Cutting in Mandrem
Illegal Hill Cutting in Mandrem Dainik Gomantak

Illegal Hill Cutting : मांद्रे पंचायत क्षेत्रातील जुनसवाडा आम्रपाली परिसरात मोठ्या प्रमाणात बेकायदा डोंगर कापणी चालू असल्याची तक्रार स्थानिक पंचायतीकडे नागरिकांनी केली होती. पंचायतीने संबंधितांना कागदपत्रे सादर करण्यास आज मंगळवारी दुपारी बारा वाजेपर्यंत मुदत दिली होती. परंतु संबंधिताने पंचायतीकडे कोणत्याही प्रकारचे ना हरकत दाखले किंवा कागदपत्रे सादर न केल्याने संरपंच अमित सावंत यांनी पंचायत मंडळासह घटनास्थळी जाऊन काम रोखले आणि संबंधितांना नोटीसही बजावली.

नगर नियोजन मंत्री विश्वजीत राणे हे पेडणे मतदार संघाच्या दौऱ्यावर आले असता टीसीपीचा विषय यावेळी ऐरणीवर आला होता. यावेळी पेडणे तालुक्यात मोठ्या प्रमाणात बेकायदा डोंगर कापणी सुरू आहे. त्यांच्यावर कसल्या प्रकारची कारवाई करण्यात येईल, असा प्रश्न विश्वजीत राणे यांना विचारण्यात आला होता. त्यावेळी त्यांनी संबंधितावर कडक कारवाई करण्याचे आदेश अधिकाऱ्यांना दिल्याचे सांगून कुणाचीही हयगय केली जाणार नाही असे म्हटले होते. मांद्रे आम्रपाली परिसरात मोठ्या प्रमाणात डोंगर कापणी चालू असल्याचे बाब स्थानिकांनी पंचायतीच्या निदर्शनास आणून दिली होती.

याविषयी पंचायतीने संबंधितांना आज 11 ऑक्टोबर रोजी दुपारी 12 वाजेपर्यंत सर्व प्रकारच्या परवान्यांची कागदपत्रे पंचायतीकडे सादर करावी, अशी सूचना केली होती. पंचायतीने बांधकामासाठी किंवा डोंगर कापून एखादा प्रकल्प उभारण्यासाठी कसल्याच प्रकारचा ना हरकत दाखला दिलेला नाही. मात्र तरीही सर्रासपणे सुरु असलेल्या या डोंगरकापणीच्या विरोधात स्थानिकांनी तक्रार केल्याने सरपंच अमित सावंत यांनी घटनास्थळी जात काम बंद पाडले.

Illegal Hill Cutting in Mandrem
Madgaon Mayor Election : तिढा सुटणार; दामोदर शिरोडकर होणार मडगावचे नवे नगराध्यक्ष

आम्रपाली परिसरात मोठ्या प्रमाणात डोंगर कापणी सुरू असल्याच्या तक्रारी स्थानिक पंचायत मांद्रे कार्यालयात आल्यानंतर पंचायत मंडळांनी घटनास्थळी जाऊन पाहणी केली, असता एक जेसीपी यंत्र मोठ्या प्रमाणात डोंगर कापणी करत होते. त्या यंत्राला कसल्याच प्रकारचा रजिस्ट्रेशन नंबरही नव्हता. त्या ठिकाणी दोन-तीन वाहने होती. ती वाहने सरपंच अमित सावंत यांनी पोलिसांच्या स्वाधीन केली.

सरपंच अमित सावंत यांनी याविषयी माहिती देताना सांगितले की, आम्रपाली परिसरात बेकायदा डोंगर कापणी सुरू असल्याच्या तक्रारी मांद्रे पंचायतीकडे आल्या होत्या. संबंधितांना कागदपत्रे सादर करण्यासाठी मुदत दिली होती. परंतु मुदतीत कागदपत्रे आली नसल्याने पंचायत मंडळाने काम रोखले आहे. शिवाय कायदेशीर नोटीस पाठवलेली आहे. अशा बेकायदा बांधकामांना कधीच पंचायत थारा देणार नसल्याचेही सरपंच अमित सावंत यांनी यावेळी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com