JMFC On Vagator Nightclub Attack: वागातोर नाईट क्लबमधील हल्ल्याची डायरीतील नोंद सादर करा
JMFC On Vagator Nightclub Attack: वागातोर येथील नाईट क्लब 'राईथ'मध्ये 12 नोव्हेंबर रोजी सुमारे दहा कर्मचाऱ्यांनी अनिश आणि आदित्य वार्ष्णेई या दोन भावांवर केलेल्या भीषण हल्ल्याच्या तपासाशी संबंधित केस डायरी सादर करा, असे निर्देश म्हापसा प्रथमवर्ग न्यायदंडाधिकारी (जेएमएफसी) अश्विनी खांडोलकर यांनी हणजूण पोलिसांना दिले आहेत.
वार्ष्णेई बंधूंचे वकिल अॅड. आयरीस रॉड्रिग्स यांनी पोलिस तपास करत नाहीत, आरोपींना संरक्षण देत आहेत, असा आरोप केला होता. त्यानंतर न्यायालयाने याबाबत निर्देश दिले आहेत.
जेएमएफसीकडे दाखल केलेल्या याचिकेत म्हटले आहे की, 13 नोव्हेंबर 2022 रोजी दुपारी 12 च्या सुमारास पोलिसांकडे तोंडी तक्रार केली होती त्यानंतर त्याच दिवशी सायंकाळी 5 वाजता नाईट क्लबच्या कर्मचार्यांविरुद्ध त्या भीषण हल्ल्याबद्दल लेखी तक्रार करण्यात आली होती. 14 नोव्हेंबर 2022 रोजी 19.47 वाजता दहा अज्ञात व्यक्तींविरुद्ध गुन्हा दाखल करण्यात आला. एका भावाच्या चेहऱ्यावर गंभीर दुखापत झाली असून त्याचा एक डोळा देखील गमावला होता, असेही याचिकेत म्हटले होते.
तपास अधिकारी पीएसआय फ्रान्सिस्को झेवियर यांच्या जबाबात म्हटले आहे की, या प्रकरणाचा सर्व बाजूंनी तपास केला जात आहे. आरोपींचा शोध सुरू आहे. आरोपी विनय तुपकरला चौकशीसाठी हजर राहण्याची नोटीस बजावली आहे.
हणजुण पोलिसांना या प्रकरणाचा योग्य तपास करण्याचे निर्देश द्यावेत आणि आरोपी प्रभावशाली असल्याने न्यायालयाने तपासावर लक्ष ठेवावे, असेही मारहाण झालेल्या भावांच्या याचिकेत म्हटले आहे. न्यायालय 7 डिसेंबर रोजी युक्तिवाद ऐकणार आहे. पोलिसांना या प्रकरणाच्या तपासाचा साप्ताहिक स्टेटस रिपोर्ट सादर करण्याचे निर्देश देण्यात आले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.