Mapusa Market : म्हापशातील व्यापारीवर्ग संतप्‍त; उतरला रस्‍त्‍यावर

नोटिशीला आक्षेप : अध्यादेशाची मागणी
Mapusa Market
Mapusa MarketDainik Gomantak

Mapusa Market : येथील भाडेपट्टीवरील दुकाने व स्टॉल्सच्या 309 भाडेकरूंना पालिकेने कारणे दाखवा नोटिसा बजावल्या आहेत. त्‍याच्‍या निषेधार्थ मंगळवारी मार्केटमधील सर्व दुकाने बंद ठेवून व्यापारी रस्त्यावर उतरले.

दुकानदारांच्या हितार्थ त्वरित अध्यादेश काढून व्यापाऱ्यांना दिलासा द्यावा, अशी मागणी करत व्यापाऱ्यांनी उपसभापती तथा स्थानिक आमदार जोशुआ डिसोझा यांची निवासस्थानी भेट घेत त्यांना निवेदन दिले.

Mapusa Market
बेळगावच्या चोरट्यांनी चोरी केले 60 'डुक्कर', डिचोलीत गाडीचा टायर पंक्चर झाला अन्...

सुमारे अडीशेपेक्षा अधिक व्यापारी दत्तवाडी येथील जोशुआंच्या घराबाहेर जमले होते. दुपारपर्यंत व्यापाऱ्यांनी आपली आस्थापने बंद ठेवली. त्यामुळे मार्केटमध्ये शुकशुकाट होता.

यावेळी म्हापसा व्यापारी संघटनेचे अध्यक्ष श्रीपाद सावंत, उपाध्यक्ष आसिस कार्दोज, सचिव सिद्धेश राऊत, खजिनदार जितेंद्र फळारी, पांडुरंग सावंत, आशिष शिरोडकर, रूपेश शिंदे या शिष्टमंडळाने उपसभापतींची भेट घेतली.

प्रकरण काय?

भाडेकरू करारपत्र नूतनीकरणाच्या पार्श्वभूमीवर मार्केटमधील काही दुकानदारांनी दुकाने परस्पर तिसऱ्या व्यक्तीस भाडेपट्टीने दिल्याबद्दल संबंधित दुकान व स्टॉल्सच्या मूळ ३०९ भाडेकरूंना सध्या कारणे दाखवा नोटिसा बजावल्या आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com